Historyki ŭ vyhnańni stvaryli Biełaruski instytut publičnaj historyi
Pra stvareńnie novaj arhanizacyi paviedamili ŭ jaje śviežastvoranym telehram-kanale.
Hałoŭnaj metaj stvareńnia instytuta zajaŭlajecca padtrymańnie nacyjanalnaj identyčnaści biełarusaŭ, stvareńnie pohladu na minułaje biez aŭtarytarnych i ideałahičnych ustanovak, zachavańnie pamiaci pra trahičnyja pieryjady historyi Biełarusi, farmulavańnie bačańnia na składanyja i nieadnaznačnyja temy historyi našaj krainy, a taksama papularyzacyja i prasoŭvańnie nacyjanalnaha histaryčnaha naratyvu ŭ Biełarusi i na mižnarodnym uzroŭni.
Uznačalvajuć instytut akademičny dyrektar, kandydat sacyjałahičnych navuk Alaksiej Łastoŭski i staršynia praŭleńnia, žurnalist, daśledčyk stalinskich represij Ihar Stankievič. Taksama ŭ skład instytuta ŭvachodzić šerah viadomych śpiecyjalistaŭ u halinie historyi.
U stvoranym telehram-kanale płanujecca publikavać kamientary historykaŭ i ekśpiertaŭ pa aktualnych padziejach u śfiery palityki pamiaci i histaryčnaj palityki ŭ Biełarusi, apaviadać pra cikavyja imprezy i anansavać najbolš važnyja padziei, źviazanyja ź biełaruskaj historyjaj.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary