«A pra hetyja narkotyki my ničoha nie viedajem». U Šviecyi prajšoŭ druhi paŭfinał Jeŭrabačańnia
Izrail, Łatvija i Estonija vyjšli ŭ finał.
Estonija pasłała na konkurs adrazu dva hurty, 5MIINUST i Puuluup, jakija sumiesna vykonvajuć «chulihanskuju» fołk-pank-pieśniu pad nazvaj «A pra hetyja narkotyki my ničoha nie viedajem» ((Nendest) Narkootikumidest Ei Tea Me (Küll) Midagi), piša Bi-bi-si.
Ad Łatvii ŭ finale vystupić śpiavak Dons (Arturs Šynhirejs, sceničny psieŭdanim Dons) z uračysta-liryčnaj baładaj na anhlijskaj «Hollow».
Akramia Łatvii, Estonii, Armienii i Hruzii, u finał vyjšli Aŭstryja, Niderłandy, Narviehija, Izrail, Hrecyja i Šviejcaryja.
Vylecieli ŭ paŭfinale Čechija, Bielhija, Danija, Malta, Ałbanija i San-Maryna.
Dva dni tamu ŭ finał užo vyjšli Sierbija, Partuhalija, Słavienija, Ukraina, Litva, Finlandyja, Kipr, Charvatyja, Irłandyja i Luksiemburh.
Brytanija, Francyja, Ispanija, Hiermanija i Italija aŭtamatyčna prachodziać u finał — hetyja krainy akazvajuć dadatkovuju finansavuju padtrymku «Jeŭrabačańniu».
Favarytami ŭ bukmiekieraŭ sioleta ličacca charvackaja hrupa Baby Lasagna i ŭkrainski duet Alyona Alyona I Jerry Heil.
Finał konkursu projdzie na Malmö Arena u subotu.
Kamientary