«А пра гэтыя наркотыкі мы нічога не ведаем». У Швецыі прайшоў другі паўфінал Еўрабачання
Ізраіль, Латвія і Эстонія выйшлі ў фінал.
Эстонія паслала на конкурс адразу два гурты, 5MIINUST і Puuluup, якія сумесна выконваюць «хуліганскую» фолк-панк-песню пад назвай «А пра гэтыя наркотыкі мы нічога не ведаем» ((Nendest) Narkootikumidest Ei Tea Me (Küll) Midagi), піша Бі-бі-сі.
Ад Латвіі ў фінале выступіць спявак Донс (Артурс Шынгірэйс, сцэнічны псеўданім Dons) з урачыста-лірычнай баладай на англійскай «Hollow».
Акрамя Латвіі, Эстоніі, Арменіі і Грузіі, у фінал выйшлі Аўстрыя, Нідэрланды, Нарвегія, Ізраіль, Грэцыя і Швейцарыя.
Вылецелі ў паўфінале Чэхія, Бельгія, Данія, Мальта, Албанія і Сан-Марына.
Два дні таму ў фінал ужо выйшлі Сербія, Партугалія, Славенія, Украіна, Літва, Фінляндыя, Кіпр, Харватыя, Ірландыя і Люксембург.
Брытанія, Францыя, Іспанія, Германія і Італія аўтаматычна праходзяць у фінал — гэтыя краіны аказваюць дадатковую фінансавую падтрымку «Еўрабачанню».
Фаварытамі ў букмекераў сёлета лічацца харвацкая група Baby Lasagna і ўкраінскі дуэт Alyona Alyona I Jerry Heil.
Фінал конкурсу пройдзе на Malmö Arena у суботу.
Каментары