Kaciaryna Snycina vyjhrała apošni matč u karjery. Hulać jana vyjšła ŭ niezvyčajnych krasoŭkach
Znakamitaja biełaruskaja baskietbalistka Kaciaryna Snycina siońnia ŭ apošni raz vyjšła na parkiet. U finale čempijanata Brytanii kłub Snycinaj London Lions adoleŭ kamandu Newcastle Eagles.
Kančatkovy lik matča — 92:65 na karyść London Lions.
Na placoŭku Snycina vyjšła ŭ krasoŭkach, jakija dla jaje padrychtavaŭ kiraŭnik biełaruskaha Svabodnaha teatra Mikałaj Chalezin. Ich fota jana apublikavała ŭ storys:
Razam z London Lions biełaruska ŭžo vyjhravała čempijanat Brytanii i jeŭrakubak. Usich ža ŭznaharodaŭ Snycinaj nie pieraličyć: da prykładu, razam ź biełaruskaj zbornaj jana brała bronzu čempijanatu Jeŭropy — 2007, vystupała na Alimpijadzie-2008. Na kłubnym uzroŭni Kaciaryna vyjhravała čempijanaty Francyi i Biełarusi, Kubak Polščy, brała srebra polskaha čempijanatu i heta nie ŭsio.
Pra płany skončyć karjeru Snycina abviaściła ŭ vieraśni minułaha hoda. Rašeńnie patłumačyła tym, što pierastała adčuvać azart i zadavalnieńnie ad hulni, chacia ŭ svaje 38 hadoŭ i maje siły, kab hrać na dastojnym uzroŭni.
Kaciaryna pakul nie kazała, čym płanuje zaniacca paśla baskietboła. 25 maja jana źbiraje biełarusaŭ Łondana, kab pahulać razam — imavierna, i paśla karjery Snycina, viadomaja praz svaju hramadskuju pazicyju, praciahnie padtrymlivać biełaruski ruch.
«Naša Niva» — bastyjon biełaruščyny
PADTRYMAĆ«Vaŭ! Mnie napisała sama Kacia Snycina!» Žurnalistka «Trybuny» Sabina Alijeva pra adnosiny, kaminh-aŭt i bulinh
Kaciaryna Snycina ŭvajšła ŭ top-3 pa nabranych ačkach u historyi Jeŭrakubka
Chto ŭ biełaruskim jutubie robić krutyja videahutarki? Šeść rekamiendacyj dla prahladu na doŭhija zimovyja viečary
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała13
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2727
Kamientary