Mužčyna abraŭ aryhinalny sposab paźbiehnuć prysudu — abliŭ paciarpiełuju zialonkaj kala suda
Jamu heta, viadoma ž, nie dapamahło.
U śniežni 44-hadovy mužčyna byŭ u haściach u znajomaj, kampanija vypivała. Kali hość zaźbiraŭsia dadomu, jon vyrašyŭ prychapić z saboj torbu z asabistymi rečami siabroŭki.
Taja, vyjaviŭšy prapažu, napisała na znajomaha zajavu. Na jaho zaviali kryminalnuju spravu ab kradziažy. Na kaniec sakavika było pryznačanaje sudovaje pasiedžańnie. Mužčyna, u jakoha bahataja historyja kryminalnych spraŭ, vielmi bajaŭsia prysudu. I abraŭ dziŭny sposab źmiakčyć sabie pakarańnie.
Jon dačakaŭsia znajomuju kala budynka suda i zapatrabavaŭ, kab jana admoviłasia ad vizitu na pasiadžeńnie. A kali pačuŭ žorstki adkaz, abliŭ paciarpiełuju zialonkaj, piša SK.
Taja adrazu ž źviarnułasia pa miedycynskuju dapamohu. U žančyny dyjahnastavali chimičny apiok rahavicy i kanjunktyvy vačej, što kvalifikavali jak lohkija cialesnyja paškodžańni.
Mužčyna, jaki raniej byŭ sudzimy za pryčynieńnie ciažkich cialesnych, kradziež i zahadzia łžyvaje paviedamleńnie ab niebiaśpiecy, atrymaŭ jašče adzin artykuł — pieraškoda jaŭcy paciarpiełaha ŭ sud i dačy im pakazańniaŭ. Jana praduhledžvaje pakarańnie ad hramadskich rabot da dvuch hadoŭ turmy.
Na dopycie mužčyna pryznaŭsia, što vielmi nie chacieŭ u turmu, tamu i advažyŭsia na taki impulsiŭny krok. Va ŭsioj situacyi jon vinavaciŭ paciarpiełuju.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary