Kolki možna źjeści mandarynak, kab nie było niepryjemnych nastupstvaŭ
Jakija Kalady i Novy hod biez mandarynak? Sam ich aranžavy koler simvalizuje śviaty.
Mandaryny ŭtrymlivajuć niamała hlukozy, jakaja stymuluje vypracoŭku insulinu. Kali čałaviek źjadaje zanadta šmat sadaviny za adzin pryjom, to vypracavany insulin parušaje rasščapleńnie tłušču, z-za čaho čałaviek nabiraje vahu.
Kali ž jeści hetyja płady va ŭmieranaj kolkaści, jany prynosiać tolki karyść.
Dzionnaja norma — 5‑6 štuk mandarynak siaredniaha pamieru.
Ale kali razava ŭ navahodniuju noč źjeści bolej, ničoha drennaha nie zdarycca.
Razam z tym daktary kažuć, što kisłyja płady nie rekamiendavany ludziam z zachvorvańniami stravavalnaj sistemy: hastrytam, kalitam, jazvavaj chvarobaj, taksama pry prablemach z padstraŭnikavaj załozaj i žoŭcievym puchirom.
I, jak i luby inšy cytrus, mandaryny zdolnyja vyklikać alerhiju. Tamu dzieciam da troch hadoŭ ich lepš davać nie zanadta šmat, a dzieciam da hoda nie davać zusim.
Jak pravilna zachoŭvać mandaryny
Zvyčajna my biarom stolki mandarynaŭ, kolki zmožam źjeści za paru viečaroŭ. Ale kali za śviaty ŭ vas źjavicca mandarynavaja zaležnaść i vy pačniacie zakuplać cytrusavyja ŭ pramysłovych maštabach, važna pamiatać ab prostych praviłach zachoŭvańnia. Akazvajecca, prosta dastać ich z pakieta i prybrać u skrynku niedastatkova.
Treba nacierci skurku alejem, źmiaścić sadavinu ŭ śpiecyjalny adsiek chaładzilnika i trymać pry tempieratury +6 hradusaŭ.
Vielmi važny ŭzrovień vilhotnaści, nielha dać im zasochnuć. Abaviazkova źnimicie z mandarynaŭ polietylenavy pakiet i źmiaścicie ich u sietku. Kali na halinkach jość listočki, nie abryvajcie ich, tak sadavina daŭžej zachoŭvajecca.
Taksama važna nie zabyvać, što pierad transparciroŭkaj usie cytrusavyja prachodziać abaviazkovuju apracoŭku siarnistymi złučeńniami. Tamu pierad jadoj sadavinu z kramy varta myć ciopłaj vadoj z myłam.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary