Мужчына абраў арыгінальны спосаб пазбегнуць прысуду — абліў пацярпелую зялёнкай каля суда
Яму гэта, вядома ж, не дапамагло.
У снежні 44-гадовы мужчына быў у гасцях у знаёмай, кампанія выпівала. Калі госць зазбіраўся дадому, ён вырашыў прыхапіць з сабой торбу з асабістымі рэчамі сяброўкі.
Тая, выявіўшы прапажу, напісала на знаёмага заяву. На яго завялі крымінальную справу аб крадзяжы. На канец сакавіка было прызначанае судовае паседжанне. Мужчына, у якога багатая гісторыя крымінальных спраў, вельмі баяўся прысуду. І абраў дзіўны спосаб змякчыць сабе пакаранне.
Ён дачакаўся знаёмую каля будынка суда і запатрабаваў, каб яна адмовілася ад візіту на пасяджэнне. А калі пачуў жорсткі адказ, абліў пацярпелую зялёнкай, піша СК.
Тая адразу ж звярнулася па медыцынскую дапамогу. У жанчыны дыягнаставалі хімічны апёк рагавіцы і кан'юнктывы вачэй, што кваліфікавалі як лёгкія цялесныя пашкоджанні.
Мужчына, які раней быў судзімы за прычыненне цяжкіх цялесных, крадзеж і загадзя лжывае паведамленне аб небяспецы, атрымаў яшчэ адзін артыкул — перашкода яўцы пацярпелага ў суд і дачы ім паказанняў. Яна прадугледжвае пакаранне ад грамадскіх работ да двух гадоў турмы.
На допыце мужчына прызнаўся, што вельмі не хацеў у турму, таму і адважыўся на такі імпульсіўны крок. Ва ўсёй сітуацыі ён вінаваціў пацярпелую.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары