U Vialikim Jehipieckim muziei na vačach naviedvalnikaŭ źbirajuć karabiel faraona Chieopsa
U Vialikim Jehipieckim muziei pierad naviedvalnikami źbirajuć kiedravy karabiel, jaki naležaŭ faraonu Chieopsu (Chufu). Heta adzin z dvuch znojdzienych karabloŭ hetaha jehipieckaha cara, paviedamlaje Associated Press.
Restaŭratar muzieja Isa Ziejdan paviedamiŭ, što zborka 42‑mietrovaha karabla z 1650 draŭlanych častak zojmie kala čatyroch hadoŭ. Chufu kiravaŭ Jehiptam bolš za 4500 hadoŭ tamu i pabudavaŭ Vialikuju piramidu ŭ Hizie.
Ministr turyzmu i staražytnaściaŭ Jehipta Šeryf Fatchi adznačyŭ, što naviedvalniki stanoviacca śviedkami adnaho z najvažniejšych restaŭracyjnych prajektaŭ XXI stahodździa. Karabiel byŭ znojdzieny ŭ 1954 hodzie kala paŭdniovaha boku Vialikaj piramidy, a raskopki jaho draŭlanych častak pačalisia ŭ 2014 hodzie.
Tym časam dakładnaje pryznačeńnie karabloŭ nieviadomaje: ekśpierty ličać, što ich mahli vykarystoŭvać dla transpartavańnia cieła faraona padčas pachavańnia abo dla jaho zahrobnaha šlachu z boham sonca Ra.
Vialiki Jehipiecki muziej adkryŭsia pobač ź piramidami Hizy 1 listapada 2025 hoda. Pra budaŭnictva kompleksu było abvieščana jašče ŭ 1992 hodzie, ale realnyja raboty pačalisia tolki ŭ 2005 hodzie, a niekatoryja častki muzieja adkryli tolki letaś.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary