Iharu prynieśli rašeńnie suda ab razvodzie ŭžo postfaktum.
U błohiera i byłoha palitviaźnia Alaksandra Kabanava źjaviłasia infarmacyja ad niezaležnych krynic pra toje, što Darja Łosik 6—9 miesiacaŭ tamu, znachodziačysia ŭ źniavoleńni, padała na razvod. Ihar Łosik i jaho baćki nie viedali pra heta. Iharu prynieśli rašeńnie suda ab razvodzie ŭžo postfaktum. «Małanka» taksama paćvierdziła hetuju infarmacyju praz svaje krynicy.
Ihara Łosika zatrymali 25 červienia 2020 hoda za paŭtara miesiaca da prezidenckich vybaraŭ. Jon staŭ fihurantam «spravy Cichanoŭskaha». U śniežni 2021 hoda sud pryznačyŭ jamu 15 hadoŭ kałonii.
Paśla hetaha jahonaja žonka Darja Łosik zapisała zvarot da Alaksandra Łukašenki. Dziaŭčyna prapanavała dać joj termin naŭzamien na vyzvaleńnie muža i mahčymaść dla jaho i ich dački vyjechać ź Biełarusi. Paźniej Darju zatrymali i prysudzili da dvuch hadoŭ kałonii nibyta za intervju, jakoje jana davała telekanału «Biełsat», pryznanamu ekstremisckim.
Što jana padała na razvod, Ihar Łosik nie viedaŭ. Pa słovach Kabanava, palitviaźniu prynieśli rašeńnie suda ab razvodzie, kali jon siadzieŭ u PKT. U sudzie mužčyna nie ŭdzielničaŭ — paru raźviali bieź jaho ŭdziełu.
Pa słovach byłych palitviaźniaŭ, praceduru razvodu možna aformić u turmie. Z hetym nie ŭźnikaje prablem.
Pra pryčyny razvodu nieviadoma ni krynicam Kabanava, ni krynicam «Małanki», ni samomu Iharu Łosiku.
Praŭładnyja kanały pišuć pra toje, što Darja «zvaliła za kardon». Adnak heta nie tak. Jana ŭsio jašče znachodzicca ŭ turmie.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary