Karystalnik tyktoku padzialiŭsia videarolikam z prahułki pa Biełaviežskaj puščy, dzie vyjaviŭ pieršyja śpiełyja jahady čarnic, zaŭvažyŭ Telegraf.news.
«Zialonych jašče šmat, viadoma, ale pavoli na varenički možna naźbirać. Tak što, kali chto lubić čarnicy — možna ŭ les», — raspavioŭ aŭtar videarolika, prademanstravaŭšy kuściki sa śpiełymi jahadami.
Raniej biełarusy dzialilisia ŭ sacsietkach tolki videarolikami z kuścikami čarnic padčas ćvietu i vykazvali zdahadki, što jahad sioleta, kali nie zdarycca marazoŭ, pavinna być šmat.
Adnak u mnohich rehijonach ustojlivyja zamarazki trymalisia dosyć doŭha. Jak heta adabjecca na ŭradžajnaści lasnych jahad, pakul niezrazumieła.
Tradycyjna pieršymi jahadny siezon adkryvajuć paŭdniovyja rehijony Biełarusi. U pryvatnaści, u Bresckaj i Homielskaj abłaściach niekatoryja pačynajuć źbirać pieršyja jahady ŭžo ŭ pieršaj pałovie červienia.
Kamientary