Prychilniki Tejłar Śvift skałanuli Ziamlu na jaje kancercie ŭ Šatłandyi. U litaralnym sensie
Stancyi manitorynhu zafiksavali siejśmičnuju aktyŭnaść, jakaja adčuvałasia na adlehłaści 6 km ad miesca praviadzieńnia kancerta.
Amierykanskaja pop-zorka Tejłar Śvift u minułyja vychodnyja dała try kancerty ŭ Edynburhu, dzie znoŭ, jak i hod tamu, zrabiła nievialiki ziemlatrus, piša Bi-bi-si.
Stroha kažučy, vahańni ziamnoj pavierchni zładzili fanaty śpiavački, ale nie bieź jaje ŭdziełu: jana aktyŭna zaklikała ich tancavać i tupać.
U vyniku stancyi manitorynhu zafiksavali siejśmičnuju aktyŭnaść, jakaja adčuvałasia na adlehłaści 6 km ad miesca praviadzieńnia kancerta.
Samy vialiki piarepałach prychilniki śpiavački zładzili padčas vykanańnia troch piesień: Cruel Summer, Ready For It? i Champagne Problems.
Pieršy z troch kancertaŭ u Edynburhu ŭ piatnicu, jaki sabraŭ 73 tysiačy hledačoŭ, akazaŭsia samym enierhičnym: fanaty šturchali Ziamlu z maksimalnym momantam siły ŭ 23,4 Ńjutan-mietra — trochi macniej, čym u subotu i niadzielu, 22,8 N·m i 23,3 N·m adpaviedna.
Siejśmičnaja aktyŭnaść dasiahnuła piku padčas vykanańnia Ready For It? — pavodle acenak, tancujučyja vypracavali kala 80 kVt enierhii, što ekvivalentna prykładna 6000 aŭtamabilnych akumulataraŭ.
U asnoŭnym siejśmičnuju aktyŭnaść vyklikała tupańnie noh, ale datčyki zreahavali i na apładysmienty paśla vykanańnia Champagne Problems, što doŭžylisia čatyry chviliny.
Fanaty śpiavački nie ŭ pieršy raz skałynajuć Ziamlu: padčas hastrolaŭ Śvift u Sietle i Łos-Andželesie taksama byli zarehistravanyja siejśmičnyja vahańni, pryčym kancert u Sietle vyklikaŭ aktyŭnaść, ekvivalentnuju ziemlatrusu mahnitudaj 2,3.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary