Błohier adreahavaŭ u sacsietkach na svoj zavočny prysud u 12 hadoŭ.
Andrej Pavuk vykłaŭ fota z kamiery.
«12 let — hdie nie puskajut v intierniet», — padpisaŭ błohier zdymak.
Fota zroblena ŭ Vilni ŭ muziei, jaki znachodzicca ŭ budynku byłoha KDB. Na akno Pavuk paviesiŭ aficyjny ściah.
Učora ŭ Breście sud zavočna pryznačyŭ jamu pakarańnie ŭ vyhladzie 12 hadoŭ pazbaŭleńnia voli ŭ kałonii ŭzmocnienaha režymu sa štrafam u pamiery 5 tys. bazavych vieličyń (200 tys. rubloŭ).
Jaho pryznali vinavatym pa niekalkich kryminalnych artykułach — ad kiraŭnictva «ekstremisckim farmavańniem» (takim ułady paličyli jutub-kanał «Rudabielskaja pakazucha») da abrazy Łukašenki.
Asudzili taksama błohierku Volhu Pavuk, opiernuju śpiavačku Marharytu Laŭčuk i jaje pradziusara Alesia Čachoŭskaha, muzyku Uładzisłava Navažyłava i Illu Salankova.
Kamientary