Andreju Pavuku zavočna dali 12 hadoŭ, Volzie Pavuk krychu mienš. Asudzili i Marharytu Laŭčuk
Pra toje, što viadomamu błohieru Andreju Pavuku łukašenkaŭski sud zavočna prysudziŭ 12 hadoŭ pazbaŭleńnia voli, paviedamiła prakuratura Bresckaj vobłaści.
Stvaralniki jutub-kanała «Rudabielskaja pakazucha» Andrej Pavuk i Volha Pavuk (raniej jany byli mužam i žonkaj) byli pryznanyja vinavatymi adrazu pa niekalkich kryminalnych artykułach — ad kiraŭnictva «ekstremisckim farmavańniem» da abrazy Łukašenki.
U vyniku Andreju Pavuku pryznačyli pakarańnie ŭ vyhladzie 12 hadoŭ pazbaŭleńnia voli ŭ kałonii ŭzmocnienaha režymu sa štrafam u pamiery 5 tys. bazavych vieličyń (200 tys. rubloŭ), a Volzie Pavuk — u vyhladzie 8 hadoŭ pazbaŭleńnia voli z adbyvańniem u kałonii ahulnaha režymu sa štrafam u pamiery 2,5 tys. bazavych vieličyń (100 tys. rubloŭ).
Adnačasova za ŭdzieł u pracy «Rudabielskaj pakazuchi» sudzili taksama opiernuju śpiavačku Marharytu Laŭčuk, Illu Salankova i muzyku Uładzisłava Navažyłava. Im dali terminy ad 6 da 8 hadoŭ pazbaŭleńnia voli sa štrafami ad 500 da 800 bazavych vieličyń.
Akramia taho, pradziusar Alaksandr Čachoŭski byŭ asudžany za abrazu pradstaŭnika ŭłady i ździek nad dziaržaŭnymi simvałami: jamu pa sukupnaści złačynstvaŭ pryznačana pakarańnie ŭ vyhladzie aryštu terminam na 3 miesiacy.
Pavuk zatroliŭ Pamiežny kamitet pytańniami pra mihrantaŭ i rasijskuju armiju
Śpiavačku Laŭčuk i błohiera Pavuka buduć zavočna sudzić pa 14 artykułach Kryminalnaha kodeksa
Ščyraja hutarka z Volhaj Pavuk: pra palityku, zvanki čynoŭnikam, svajakoŭ-jabaciek i rasčaravańnie ŭ šlubie
«Nu, tak užo i pasadziać! Raźbiarucca!» Andrej Pavuk raskazaŭ, jak telefanavaŭ u Śledčy kamitet adnosna zavočnaha suda
Kamientary
Ale prysud niapraŭny, złačynstvy vydumanyja. Z ŭsioj antypatyjaj da spadara Pavuka i spadaryni Pavučychi, jany nia toje, što nievinavatyja ŭ tym, što tak zvany sud im inkryminuje. Nie, abrazy i stvareńni hrupovak prosta nie złačynstvy, jak takija.