Pad Brestam bus sutyknuŭsia z hrejdaram — paciarpieli žančyna i šeść jaje dziaciej
Pasažyrka lehkavoha aŭtamabila i šaściora jaje niepaŭnaletnich dziaciej atrymali traŭmy ŭ vyniku DTZ u Bresckim rajonie, paviedamili ŭ pres-słužbie Śledčaha kamiteta Biełarusi. Avaryja adbyłasia dniom u piatnicu, 12 lipienia, kala vioski Bratyłava, jakaja znachodzicca za try kiłamietry ad abłasnoha centra.
«Piacidziesiacidvuchhadovy kiroŭca, kirujučy hrejderam, sutyknuŭsia ź mikraaŭtobusam Mercedes-Benz pad kiravańniem 29-hadovaha mužčyny», — skazali ŭ SK.
Tam taksama adznačyli, što ad udaru mikraaŭtobus źjechaŭ u levy kiuviet i pierakuliŭsia.
U DTZ paciarpieli pasažyry aŭto — 27-hadovaja žančyna i šeść jaje dziaciej (va ŭzroście ad 10 miesiacaŭ da 8 hadoŭ). Ciapier im akazvajecca nieabchodnaja miedycynskaja dapamoha.
Pavodle papiarednich źviestak, dzieci pieravozilisia ŭ mikraaŭtobusie biez aŭtakresłaŭ.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary