Pa spravie DTZ z maršrutkaj pad Smalavičami, u jakim zahinuli 13 čałaviek, asudzili inžyniera pradpryjemstva, jakomu naležaŭ MAZ
Sud Žodzina prysudziŭ da dvuch hadoŭ kałonii hałoŭnaha inžyniera filijała «Minabłaŭtatransa» pa spravie ab DTZ z maršrutkaj, što adbyłosia pad Smalavičami 20 lutaha 2023 hoda, i ŭ jakim zahinuli 13 čałaviek, piša pres-słužba prakuratury.
Ustanoŭlena, što 37-hadovy abvinavačany — hałoŭny inžynier filijała aŭtamabilnaha parku — prajaviŭ złačynnuju niadbajnaść, nie ažyćciaviŭ kantrol za svoječasovym prachodžańniem dziaržaŭnaha techničnaha ahladu hruzavym samazvałam MAZ i dapuściŭ jaho ekspłuatacyju ź niaspraŭnaj chadavoj častkaj.
Padčas ruchu hruzavika 20 lutaha 2023 hoda razburylisia listy pravaj rysory piaredniaj padvieski, što pryviało da straty kiravanaści. U vyniku aŭtamabil vyjechaŭ na pałasu sustrečnaha ruchu i sutyknuŭsia z maršrutkaj Citroen, jakaja viezła pasažyraŭ pa maršrucie «Smalavičy — Minsk praź Piekalin».
Zahinuli kiroŭca i 12 pasažyraŭ maršrutki, byli naniesienyja ciažkija cialesnyja paškodžańni siami pasažyram maršrutki;
materyjalnyja vydatki ŭ vyniku ŭźniknieńnia nadzvyčajnaj situacyi, akazańnia miedycynskaj dapamohi i lačeńnia paciarpiełych hramadzian pieravysili 270 tys.rubloŭ.
U sudovym pasiadžeńni abvinavačany svaju vinu nie pryznaŭ.
Nahadajem, što ŭ vieraśni 2023 hoda kiroŭcu hetaha MAZa prysudzili da 7 hadoŭ kałonii
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary