Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy
Heta zdaryłasia paśla zabaronaŭ, uviedzienych Litvoj i Łatvijaj.
Z paniadziełka čarha lehkavych aŭtamabilaŭ na ŭjezd u Polšču ź Biełarusi pavialičyłasia ŭ čatyry razy.
Pierad punktam propusku «Tarespal» sabrałasia 240 mašyn, paviedamlaje DPK.
Pry hetym paviedamlajecca, što polskija pamiežniki z pačatku tydnia pryniali 35% aŭto ad normy.
Pierad litoŭskimi punktami propusku «Miedniki» (Kamienny Łoh) i «Salečniki» (Bieniakoni) na ŭjezd u ES sabralisia 110 aŭto, litoŭskija kantrolnyja słužby na praciahu tydnia prymali na svaju terytoryju kala 55% transpartu ad normy.
Pry hetym u Tarespali ŭ čarzie stajać 30 aŭtobusaŭ, a ŭ «Miednikach» — usiaho čatyry.
Nahadajem, Łatvija całkam zabaraniła ŭjezd lehkavych aŭto ź biełaruskimi numarami. Litva pryniała anałahičnaje rašeńnie, ale da 16 žniŭnia ŭjechać u krainu zmohuć mašyny ź biełaruskaj rehistracyjaj pad kiravańniem uładalnika.
U Polšču aŭto na biełaruskich numarach taksama puskajuć tolki ŭ prysutnaści ŭładalnika ŭ sałonie.
Kamientary