U Vialikabrytanii zabili viadomaha palityka, člena partyi Reform UK En Uidkom
Cieła En Uidkom było znojdziena ŭ jaje domie ŭ addalenaj miascovaści hrafstva Devan na paŭdniovym zachadzie Anhlii ŭ čaćvier. Adnak palicyja paviedamiła pra heta tolki ŭ piatnicu.
Adnačasova było abvieščana, što pa padazreńni ŭ zabojstvie zatrymany 26‑hadovy bieły brytaniec, piša Bi-bi-si.
Matyvy złačynstva pakul nieviadomyja. Palicyja zajaŭlaje tolki, što nie razhladaje hetaje zabojstva jak terarystyčny akt.
En Uidkom było 78 hadoŭ. Jana była deputatkaj Pałaty abščyn ad Kansiervatyŭnaj partyi z 1987 pa 2010 hod i ŭvachodziła ŭ skład urada Džona Mejdžara ŭ pieršaj pałovie 1990‑ch hadoŭ.
Uidkom była viadomaj praciŭnicaj členstva Vialikabrytanii ŭ Jeŭrapiejskim sajuzie. U 2019 hodzie jana była abranaja ŭ Jeŭrapiejski parłamient pa śpisie Partyi Brexit, a ŭ 2023 hodzie dałučyłasia da hetaj ža partyi, jakaja była pierajmienavanaja ŭ Reform UK. Paśla hetaha jana nieadnarazova vystupała ad imia partyi z publičnymi zajavami pa pytańniach imihracyi i pravasudździa.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli7
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2424
Kamientary