Hubazikaŭcy paviedamili, što zaviali novyja kryminalnyja spravy ŭ dačynieńni da viadoŭcaŭ tyktok-kanała vydańnia «Lusterka». Siłaviki prymusili baćkoŭ błohierak zapisać videa sa słovami asudžeńnia i abureńnia ŭ dačynieńni dziaciej.
Kanał siłavikoŭ paviedamlaje, što ŭ Biełarusi ŭ baćkoŭ tych, chto supracoŭničaŭ z «Lusterkam», «praviedzieny pieratrusy, nakładzieny aryšt na majomaść».
«U baćkoŭ vialikija niepryjemnaści», — «kłapociacca» hubazikaŭcy.
«Lusterka» prakamientavała situacyju.
«U takim biesčałaviečnym padychodzie, kali niepažadanym ułady pomściać praź ich rodnych, niama ničoha novaha. Saša, Naścia, Nataša, my hanarymsia być z vami ŭ adnoj kamandzie. Kožnamu ŭ «Lusterku» baluča z-za taho, što adbyvajecca z vašymi siemjami.
Na žal, hety vypadak — tolki adzin z tysiač i tysiač tych, kali režym stracham i siłaj sprabuje zmahacca z tymi, chto aśmieliŭsia mieć alternatyŭny prapahandzie punkt hledžańnia na toje, što adbyvajecca ŭ Biełarusi», — havorycca ŭ zajavie partała «Lusterka».
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary