Mielnikaŭ za kratami ŭžo paŭhoda. Sutnaść abvinavačvańnia nieviadomaja.
Situacyja z historykam, hidam-rekanstruktaram Iharam Mielnikavym davoli typovaja dla ciapierašniaj Biełarusi. Dakładna viadoma, što jon aryštavany i ŭtrymlivajecca ŭ SIZA, ale niama kankretyki ni nakont daty zatrymańnia, ni nakont taho, u čym abvinavačvajuć Mielnikava.
Apošniaja aktyŭnaść Mielnikava ŭ instahramie datujecca 21 studzienia 2024 hoda. Nieŭzabavie historyk prapaŭ. Jaho zatrymali, i, chutčej za ŭsio, z sutak jon tak i nie vyjšaŭ.
Kali b Mielnikava zatrymlivali pa «narodnym» artykule 342 KK, to spravu daŭno pieradali b u sud. Tut ža situacyja vidavočna bolš składanaja. Da niekatorych pryjacielaŭ Mielnikava dachodziła infarmacyja, što historyka ŭtrymlivajuć u SIZA KDB. Dzie jon ciapier — taksama nijakaj peŭnaści.
Mielnikaŭ śpiecyjalizavaŭsia na vajskovaj historyi i historyi pieryjadu znachodžańnia Zachodniaj Biełarusi ŭ składzie Polščy (1921-1939). Jon vydaŭ paŭtara dziasiatka knih pa temie Zachodniaj Biełarusi.
U historyka była nieadnaznačnaja reputacyja ŭ prafiesijnych kołach. Jon pačynaŭ z zachodnierusizmu, adtul pieraskočyŭ u pałanafilstva, ale ŭrešcie pryjšoŭ u padkreślenuju biełaruskaść.
Mielnikaŭ krytykavaŭ kaleh, a jany zakidali jamu kanjunkturnaść. Kali ŭ Biełarusi naładžvalisia adnosiny z Polščaj, jon pisaŭ pra biełaruskich žaŭnieraŭ Vojska Polskaha. A paśla 2020-ha pieraklučyŭsia na inšaje.
«Rychtuju da druku novuju knihu «Prystupić da likvidacyi». Novaje vydańnie — heta ŭnikalnyja fakty pa historyi baraćby savieckich milicyjanieraŭ i čekistaŭ suprać byłych nacysckich pamahatych i kałabaracyjanistaŭ u pieršyja paślavajennyja hady. «Prystupić da likvidacyi» — heta łahičny praciah majoj papiaredniaj knihi «Kałabaracyjanizm. Anatomija zdrady». Spadziajusia vydać knihu da Dnia biełaruskaj milicyi — 4 sakavika», — pisaŭ Mielnikaŭ za niekalki tydniaŭ da aryštu. Vyhladaje, što kniha tak i nie vyjšła.
«Sprabuje ŭsiedzieć na dvuch kresłach? Dumaje, što jaho nie pasadziać? Pasadziać, tolki trochi paźniej», — sumna pradkazvaŭ Kastuś Šytal.
«Iznoŭ piersanažy «nievierahodnyja» aktyvizavalisia. Nijak nie supakojacca. Zajzdrosna im, što biełaruski historyk praciahvaje pracu», — aburaŭsia ŭ adkaz Mielnikaŭ.
Mielnikaŭ pakul nie pryznany palitviaźniem, ale pieradusim tamu, što pravaabaroncy nidzie publična nie abviaščali fakt jaho pieraśledu. Adnak niama sumnievaŭ, što kali stanie viadomym, pa jakich artykułach abvinavačvajuć Mielnikava, to jon atrymaje status palitźniavolenaha.
***
Ihar Mielnikaŭ naradziŭsia ŭ 1980 hodzie ŭ Babrujsku. Skončyŭ histaryčny fakultet Biełaruskaha dziaržaŭnaha piedahahičnaha ŭniviersiteta imia Maksima Tanka (2002) i Varšaŭski ŭniviersitet (2005). Kandydat histaryčnych navuk (2011).
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha5
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu9595
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu95
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary