Siońnia ŭ Alimpijadzie voźmie ŭdzieł adzin pradstaŭnik Biełarusi. Za kim sačyć siońnia i zaŭtra?
6 žniŭnia na Champ-de-Mars Arena pačnie vystup u hreka-rymskaj baraćbie pradstaŭnik biełaruskaj kamandy Abubakar Chasłachanaŭ (vahavaja katehoryja da 97 kh)
U katehoryi 97 kh jaho pieršym supiernikam u 1/8 finału stanie Robiert Kobliašvili z Hruzii. Pačatak spabornictvaŭ u 12.30. U 13:50 projdzie čverćfinał, uviečary — paŭfinał.
U sieradu, 7 žniŭnia, projduć papiarednija zapłyvy na bajdarkach z udziełam Uładzisłava Kryŭca (1000 mietraŭ). Pieršy zapłyŭ u 11:40. 1/4 finału ŭ 15:10.
Taksama ŭ sieradu adbuducca spabornictvy pa taekvando (Hieorhij Hurcyjeŭ, da 58 kh). Vydańnie Sport Illustrated sprahnazavała Hieorhiju zołata.
U čaćvier, 8 žniŭnia, projduć zapłyvy na kanoe z udziełam Julii Truškinaj (200 m).
Finalnyja zapłyvy na bajdarkach i kanoe adbuducca ŭ subotu.
U biełarusaŭ na Alimpijadzie — try miedali: zołata Ivana Litvinoviča ŭ skačkach na batucie, srebra Vijalety Bardziłoŭskaj u skačkach na batucie, i srebra Jaŭhiena Załatoha ŭ akademičnym viesłavańni.
Lidziruje pa miedalach zbornaja ZŠA — 79 miedaloŭ (21 załaty, 30 srebranych, 28 bronzavych), u Kitaja — 53 (21+18+14), u Francyi — 47 (13+16+18).
Kamientary
Heta takaja prajava stakholmskaha sindromu, NN?