Hałoŭčanka: Situacyja na valutnym rynku ŭstojlivaja, raście davier da biełaruskaha rubla
Za studzień-červień VUP Biełarusi vyras na 5% pry prahnozie 3%.
Situacyja na valutnym rynku ŭstojlivaja, raście davier nasielnictva da biełaruskaha rubla. Pra heta zajaviŭ premjer-ministr Biełarusi Raman Hałoŭčanka padčas pasiadžeńnia ŭrada, piša BiełTA.
«Na paradku dnia razhlad vynikaŭ sacyjalna-ekanamičnaha raźvićcia Biełarusi za pieršaje paŭhodździe. Vyniki studzienia-červienia viadomyja. U cełym jany niadrennyja. Kali koratka, to ź piaci najvažniejšych pakazčykaŭ efiektyŭnaści raboty ŭrada i Nacyjanalnaha banka vykanana čatyry. Piaty pakazčyk — ekspart — niedavykanany zusim krychu», — skazaŭ Raman Hałoŭčanka.
Za studzień-červień VUP Biełarusi vyras na 5% pry prahnozie 3%. Va ŭsich abłaściach i Minsku zabiaśpiečany rost vałavoha rehijanalnaha praduktu. Zadańnie vykanana ŭsimi rehijonami, za vyklučeńniem Homielskaj vobłaści — 102,1% pry zadańni 102,8%.
Vysokija tempy rostu zabiaśpiečany ŭ pramysłovaści (107,1%), sielskaj haspadarcy (109,7%), budaŭnictvie (108,8%) i handli (111%).
«Dziakujučy pryniatym nami sumiesna z Nacyjanalnym bankam mieram u krainie zabiaśpiečvajecca i makraekanamičnaja stabilnaść. Usie raschodnyja abaviazacielstvy biudžetu sacyjalnaha charaktaru vykonvajucca svoječasova i ŭ poŭnym abjomie. Situacyja na valutnym rynku ŭstojlivaja, raście davier nasielnictva da nacyjanalnaj valuty. Z pačatku hoda ŭkłady hramadzian u biełaruskich rublach vyraśli na Br1,4 młrd, abo na 17,5%», — adznačyŭ premjer-ministr.
Za minuły pieryjad zołatavalutnyja reziervy pavialičylisia na $400 młn i na 1 žniŭnia skłali $8,5 młrd. Inflacyja znachodzicca ŭ ramkach prahnozu: u červieni da śniežnia jaje ŭzrovień skłaŭ 3,4% pry zadańni nie bolš za 3,9%.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy7
Kamientary