Minskaja błohierka trahična zahinuła ŭ rasijskim Sievieramorsku. Joj było ŭsiaho 33 hady
Trahiedyja adbyłasia jašče dva tydni tamu, ale siabry błohierki Lusi Nazaranka tolki ciapier raspaviali pra heta ŭ sacyjalnych sietkach.
Lusia Nazaranka naradziłasia ŭ rasijskim horadzie Sievieramorsku, skončyła ŭniviersitet u Sankt-Pieciarburhu, ale ŭžo šmat hadoŭ žyła ŭ Minsku razam z mužam i dziciom.
Dziaŭčyna viała błoh — spačatku ŭ «Žyvym žurnale», potym u instahramie. Raskazvała pra modu i styl, bjuci-łajfchaki, vandroŭki, rabiła ahlady na roznyja cikavyja miescy Minsku. Na jaje staronku ŭ instahramie było padpisana 12 tysiač čałaviek.
Sioleta 33-hadovaja błohierka vyrašyła naviedać rodny Sievieramorsk. Mienavita tam jana i trapiła ŭ žudasnaje DTZ. Rasijskija ŚMI paviedamili, što pozna ŭviečary 14 žniŭnia biaspraŭnik na matacykle «Yamaha» vyjechaŭ na sustrečnuju pałasu, dzie ŭrezaŭsia ŭ Kia Rio.
U vyniku kiroŭca i pasažyr matacykła pamierli na miescy zdareńnia. Kiroŭca lehkavika trapiŭ u špital. A voś pasažyrka Kia Rio ad atrymanych traŭm pamierła — heta i była Lusia Nazaranka. U błohierki zastaŭsia 8-hadovy syn.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary