Vital Supranovič žyvie ŭ vioscy Rabuń, jakaja znachodzicca praktyčna na bierazie Vilejskaha vadaschovišča. Tam jon stvaraje ŭnikalnyja vyraby ručnoj pracy, vykarystoŭvajučy spałučeńnie epaksidnaj smały i dreva.
Ideja ŭłasnaj spravy pryjšła daŭno, ale ŭvasobić jaje ŭdałosia tolki paru hadoŭ tamu. Małady čałaviek zrabiŭ ułasnuju majsterniu, dzie pravodzić amal uvieś svoj volny čas, piša kraj.by.
Paśla vučoby i słužby ŭ armii Vital vyrašyŭ pierajechać u stalicu, dzie za hady pracy ŭ śfiery budaŭnictva jon navučyŭsia ŭsim nieabchodnym navykam. Ale staličnaje žyćcio nie było pryvabnym, ciahnuła ŭ rodnyja miaściny, dzie prajšło dziacinstva. Ułasnaručna jon adrestaŭravaŭ baćkoŭski dom i zachapiŭsia mastackim ramiastvom, pra što maryŭ jašče ź junactva.
— Zalivaju stały, hadzińniki, padnosy epaksidnaj smałoj. Hladzieŭ u internecie pracy inšych majstroŭ, zachaciełasia pasprabavać taksama samomu. Zrabiŭ pieršy stoł dla siabie, potym jašče adnu pracu dla doma — vyrašyŭ praciahvać, — raspavioŭ Vital.
Układańni ŭ instrumienty i materyjały na starcie byli istotnyja. Košt epaksidnaj smały dosyć vysoki. Ale i vynik hatovych rabot vyklikaje zachapleńnie. Kali hladziš na pradmiety, uźnikaje adčuvańnie, što ŭ ich pryroda zastyła ŭ svaim pieršapačatkovym stanie.
— U nas vielmi pryhožyja miescy — bierah vadaschovišča, lasy, pali, jakija natchniajuć na tvorčaść. Kali hulaju pa navakolli, znachodžu karčaki cikavaj formy, mima jakoj inšy čałaviek prosta projdzie mima. A ja ŭ ich baču materyjał dla budučaha vyrabu, — praciahvaje majstar.
Asnovaj dla kožnaha stała źjaŭlajecca słeb-śpił učastka stvała dreva. Raspaŭsiudžanyja parody dreva dla hetych metaŭ — dub, jasień, klon, biaroza.
Zatym pačynajecca karpatlivaja praca: nieabchodna padrychtavać dreva, zrabić apałubku dla budučaha zalivańnia, pradumać dekor.
Jakim budzie napaŭnieńnie ŭnutry — zaležyć ad pieravah zakazčyka.
Niekatorym bolš padabajucca naturalnyja elemienty: moch, suchaćviety, šyški.
U mužčyn bolš brutalnyja pieravahi — butelečki sa śpirtnym, hilzy, kamiani. Žančynam čaściej daspadoby niešta malaŭničaje, naprykład, kvietki i suchaćviety.
Paśla padrychtoŭki pradmiet zalivajecca smałoj u niekalki etapaŭ, i heta taksama patrabuje času i ciarpieńnia.
Draŭnianyja niedachopy, takija jak raskoliny i ŭzory, zapaŭniajucca epaksidnaj smałoj roznych koleraŭ, što dazvalaje stvarać raznastajnyja efiekty i tekstury.
U kančatkovym vyhladzie atrymlivajucca pryhožyja pradmiety interjeru.
— Dźviuch adnolkavych stalnic abo hadzińnikaŭ nie byvaje, bo ŭ pryrodzie nie byvaje dvuch adnolkavych malunkaŭ na drevie. Ja ŭvieś čas ekśpierymientuju, nie bajusia sprabavać novyja kambinacyi ŭ svajoj pracy.
Hałoŭnaje — pačać i dziejničać, bo kali haryš spravaj, atrymlivajecca najlepšy vynik, — ličyć Vital.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary