73-hadovy Mišel Barńje ŭ roznyja hady mieŭ roznyja ministerskija partfieli, a taksama pracavaŭ jeŭrakamisaram.
Skončanyja ekśpierymienty: novym kiraŭnikom urada Francyi pryznačany niemałady administratar.
Mišelu Barńje 73 hady. Jon naležaŭ da pravacentrysckich partyj, halisckaha korania. U svoj čas jon byŭ ministram zamiežnych spraŭ, a taksama sielskaj haspadarki i navakolnaha asiarodździa. Dvojčy jaho pryznačali jeŭrakamisaram — pa rehijanalnaj palitycy, a taksama ŭnutranaha rynku i finansavych pasłuh.
Jon vyklučna daśviedčany palityk, jaki da tonkaściej viedaje miechanizmy pryniaćcia rašeńniaŭ u Francyi i Jeŭropie.
U Barńje troje dziaciej, a žonka pachodzić z zasłužanaha rodu, jaki daŭ Francyi dvuch hienierałaŭ.
Francyja apynułasia ŭ situacyi raskołataha parłamienta: na apošnich vybarach prykładna roŭnuju dolu miescaŭ, ź nievialikim adryvam, atrymali levyja, centrysty i krajnie pravyja, i sfarmiravać uradavuju kaalicyju niaprosta. Mahčyma, Barńje vybrany na pasadu jak čałaviek, zdolny vykanać tuju zadaču, jakoj u Italii daŭ rady Marjo Drahi — stać technakratam, jaki stvoryć nadpartyjny ŭrad na čas da nastupnych vybaraŭ.
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola2
Kamientary