«Daktary padazrajuć sardečny prystup». Biełarusa, jaki abviaściŭ haładoŭku ŭ Litvie, zabrała chutkaja
Ryhor Aleksijevič haładaje ŭ znak pratestu suprać zatrymańnia jahonaha aŭtamabila ŭ porcie. Napiaredadni jon rezka adčuŭ siabie kiepska.
Biełarus Ryhor Aleksijevič abviaściŭ haładoŭku 8 vieraśnia praz toje, što Litva z-za ŭviedzienych abmiežavańniaŭ nie addaje jamu nabyty aŭtamabil.
Dva dni tamu, zdavałasia, sprava zrušyłasia ź miortvaha punkta: biełarusu vydali tranzitnyja numary. A 13 vieraśnia Aleksijeviču stała drenna. Mužčyna dasłaŭ videa z mašyny chutkaj dapamohi, piša «Novaja hazieta. Bałtija».
«Paciamnieła ŭ vačach, rezka abmiakli ruki i nohi. Ciapier ciažka havaryć, — udakładniŭ mužčyna, jaki, ź jahonych słoŭ, u hety momant znachodziŭsia na Kłajpiedskaj terytaryjalnaj mytni. — Lekary padazrajuć sardečny prystup».
Miedyki, jakija prybyli na vyklik, udakładnili, što Ryhora Aleksijeviča špitalizujuć u Kłajpiedskuju ŭniviersiteckuju balnicu. Raniej jon raskazvaŭ, što hatovy trymać biesterminovuju haładoŭku.
«Napeŭna, niervy zdajuć», — vykazaŭ mierkavańnie biełarus.
Pa słovach Ryhora Aleksijeviča, paśla atrymańnia tranzitnych numaroŭ u jaho źjaviłasia nadzieja. Ale akazałasia, što nie ŭsio tak prosta.
«Ja dumaŭ, što ŭsio atrymałasia, ale kali ja pryjšoŭ u port, mnie nazvali raniejšyja arhumienty, spasłaŭšysia na sankcyjnyja abmiežavańni», — raskazaŭ mužčyna.
Ryhor Aleksijevič kupiŭ hibrydny Honda CR-V 2020 hoda vypusku na aŭkcyjonie Copart 23 krasavika 2024 hoda. Pakul aŭtamabil znachodziŭsia na šlachu ŭ Litvu, u dačynieńni da hramadzian Biełarusi ŭviali dadatkovyja abmiežavańni. Ale ŭ kamientary litoŭskaj mytni adznačałasia, što kali mašyny byli nabytyja da 1 lipienia, to ich vypuskać u abaračeńnie možna. Adnak u dačynieńni da aŭtamabila Aleksijeviča hetaha čamuści nie zrabiła, mašyna zatrymałasia ŭ porcie Kłajpiedy. Vyčarpaŭšy sposaby raźviazać pytańnie, biełarus navažyŭsia na haładoŭku.
Biełarusu, jaki haładaŭ u Kłajpiedzie z-za niemahčymaści vyvieźci aŭtamabil u Biełaruś, vydali tranzitnyja numary
«Ja ŭ adčai». Biełarus, jakomu Litva nie addaje kupleny aŭtamabil, pačaŭ haładoŭku ŭ Kłajpiedzie
Sankcyi prynosiać svoj plon — prodažy novych aŭto ŭ Biełarusi bjuć rekordy
«Rasiejcy vyhrabli ŭsie visiaki». Što adbyvajecca na aŭtamabilnym rynku Biełarusi paśla ŭviadzieńnia novych sankcyj
«Zabłakavana bolš za 4000 aŭtamabilaŭ». Što biełarusy robiać z mašynami, jakija zachraśli ŭ Kłajpiedzie
Ad zaŭtra Litva całkam zabaraniaje ŭjezd aŭto ź Biełarusi
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie32
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary