Biełarusi treba i dalej «umacoŭvać svaju abaranazdolnaść i hatoŭnaść supraćstajać supierniku ŭ vypadku vajennaj ahresii», zajaviŭ na Abuz-Lasnoŭskim vajennym palihonie Alaksandr Łukašenka, piša BiełTA.
«Staraja formuła: chočaš miru — rychtujsia da vajny. Jašče raz chaču padkreślić (choć čaho nam tut pierad kimści apraŭdvacca), što my nie źbirajemsia vajavać, nie chočam vajavać… usio heta ŭžo skazana. Heta słuchajuć, ale robiać svaju spravu — našy praciŭniki, našy supierniki. Tyja, chto rychtujecca suprać nas, budziem prama kazać, vajavać.
Tamu nam treba rychtavacca da vajny. I daj boh, kab hetaj vajny nie było. Jakoj by ni była vostraj abstanoŭka vakoł Biełarusi, my pakul nie nazirajem tendencyj da raźviazvańnia suprać nas vajny», — zajaviŭ Łukašenka.
Alaksandr Łukašenka adznačyŭ, što, uličvajučy vopyt jak padziej na froncie va Ukrainie, tak i vajennych kanfliktaŭ za apošnija hady ŭ śviecie, u Biełarusi ŭžo čatyry razy refarmavali armiju. «Heta ŭžo, napeŭna, u piaty raz padychodzim da madernizacyi ŭłasnych uzbrojenych sił», — zaŭvažyŭ jon.
Taksama było pradstaŭlena šmat navinak u śfiery bieśpiłotnych latalnych aparataŭ. Razam z tym, choć bieśpiłotniki i mohuć surjozna paŭpłyvać na chod vajny, biez padrychtavanych sałdat i nadziejnaj zbroi efiektyŭna abaraniacca nie atrymajecca.
«Tamu tak, bieśpiłotniki — heta surjoznaja navinka. Tak, jana, napeŭna, vajnu, kali raptam zdarycca, nazad nie paviernie. Ale značna paŭpłyvaje na chod vajennych dziejańniaŭ. Bieśpiłotniki — sprava surjoznaja. Sprava, jak vajskoŭcy kažuć, vielmi efiektyŭnaja i vyhadnaja z punktu hledžańnia vajny. Strašna tak kazać, ale tym nie mienš. Siońnia, jak ja kazaŭ, vajujučyja baki nie škadujuć bieśpiłotnikaŭ dla taho, kab palavać za adnym čałaviekam (havorka pra šarahovych vajskoŭcaŭ.). Bo heta tańniej, čym padrychtavać bajca. Tamu tak — bieśpiłotniki».
Taksama Łukašenka daručyŭ «aktualizavać zadačy terytaryjalnaj abarony z ulikam sučasnych umoŭ viadzieńnia bajavych dziejańniaŭ».
«I narodnaje apałčeńnie — kab čałaviek, jaki nie traplaje ŭ vojska, ale dobra vałodaje zbrojaj, moh abaranić dom. Sistema ŭ nas vyznačana. My jaje praviarajem: dziaržsakrataru zadača pastaŭlena žalezna, kab usio było pravierana nie dla pakazuchi, pačynajučy ad narodnaha apałčeńnia da Uzbrojenych sił. Heta značyć sistema abarony našaj krainy ŭ nas stvoranaja», — skazaŭ palityk.
-
Prezident Polščy paśmiarotna ŭznaharodziŭ Alaksandra Milinkieviča Aficerskim kryžam ordena «Za zasłuhi pierad Respublikaj Polščaj»
-
Pamiatajecie hienierała Jaŭsiejeva, jaki ŭłasnaručna razhaniaŭ pratesty? Ciapier jon adkazvaje za fizkulturu ŭ Smalavičach
-
U Varšavie raźvitvajucca z Alaksandram Milinkievičam FOTAREPARTAŽ
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary