KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy
KDB ŭ Biełarusi aktyŭna viarbuje palitviaźniaŭ, vyzvalenych pa pamiłavańni, prymušajučy ich supracoŭničać pad pahrozaj novaha pieraśledu, śćviardžaje pravaabarončaja inicyjatyva Dissidentby. Heta paćviardžaje i abjadnańnie byłych siłavikoŭ Bypol.
Supracoŭniki KDB prymušajuć palitviaźniaŭ, vyzvalenych pa pamiłavańni, padpisvać roznyja dakumienty i ŭdzielničać u zdymkach prapahandysckich videa. Im zabaraniajuć vyjezd za miažu i patrabujuć supracoŭnictva suprać demakratyčnych sił, fondaŭ dapamohi i pravaabarončych arhanizacyj, pahražajučy novym pieraśledam i ciskam na ich siemji.
Pravaabaroncy adznačajuć, što ad vyzvalenych palitviaźniaŭ patrabujecca źviartacca ŭ roznyja fondy demakratyčnych sił i davać infarmacyju, jakaja moža naškodzić padtrymcy represavanych. Akramia taho, jany paviedamlajuć, što palitviaźniam časta staviać na pryłady śpiecyjalnaje prahramnaje zabieśpiačeńnie, jakoje dazvalaje siłavikam vieści nazirańnie za ich dziejnaściu ŭ realnym časie.
Zhodna ź infarmacyjaj ad Bypol, u pačatku vieraśnia KDB sumiesna z Departamientam kryminalnaj raźviedki MUS raspačaŭ vialikuju śpiecapieracyju pa rasśledavańni kanałaŭ evakuacyi ź Biełarusi i finansavych pieravodaŭ u krainu. U hetaj apieracyi vykarystoŭvajucca byłyja palitviaźni i inšyja ŭraźlivyja asoby, jakich prymušajuć supracoŭničać pad pahrozaj novaha pieraśledu.
Tyja, chto pahadžajecca na supracoŭnictva, atrymlivajuć śpiecyjalnaje virusnaje prahramnaje zabieśpiačeńnie, jakoje zapisvaje i pieradaje infarmacyju pra telefonnyja pieramovy, hieahrafičnaje raźmiaščeńnie i aktyŭnaść u miesiendžarach. Zavierbavanyja aktyvisty źviazvajucca z supracoŭnikami Bysol i inšych arhanizacyj, jakija dapamahajuć achviaram represij, i zapytvajuć hrošy abo evakuacyju z krainy.
Łukašenka skazaŭ, što praciahnie padpisvać ukazy ab pamiłavańni
Vaskrasienski patłumačyŭ, što Łukašenka choča ŭ abmien na palitviaźniaŭ. I pachvaliŭ Usava, Bałkunca i Harbunovu
Chto tyja ludzi, jakich Łukašenka adpuściŭ z-za krataŭ pa pamiłavańni? Składzieny ahulny partret
«Ja pamiataju svoj šok, a mnie kažuć: «Złamali». Łukša raskazaŭ, jak zapisvali videa z Kastusiovym paśla vybaraŭ-2010
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary