Supiernik niaŭdała ŭpaŭ jamu na nahu.
U pieradsiezonnym matčy Nacyjanalnaj chakiejnaj lihi (NCHŁ) «Kałhary Fłejmz» doma sastupiŭ «Vinipieh Džets» ź likam 2:3. U składzie «ahnioŭ» zhulaŭ 26-hadovy biełaruski forvard Jahor Šaranhovič.
Na 56-j chvilinie sustrečy biełarus atrymaŭ paškodžańnie paśla taho, jak hulec «Džets» niaŭdała ŭpaŭ na nahu biełarusu. Paśla hetaha sutyknieńnia Jahor nie zmoh dahulać reštu pajadynku.
Pra stan zdaroŭja biełarusa pakul nieviadoma, piša Belarushochey.by.
Novy siezon Nacyjanalnaj chakiejnaj lihi startavaŭ učora.
Šaranhovič zapisaŭ minuły siezon sabie ŭ aktyŭ, pierabiŭšy dva rekordy Michaiła Hraboŭskaha. Z hetaha času Jahor źjaŭlajecca najlepšym snajpieram i bambardziram siarod biełarusaŭ z pakazčykam u 59 (31+28) bałaŭ za siezon.
Pieršy matč siezona-2024/25 NCHŁ «Kałhary» praviadzie 10 kastryčnika ŭ haściach suprać «Vankuviera». Pačatak a 05.00 pavodle minskaha času.
Kamientary