U ekstremiscki śpis trapiła kniha z daŭniejšaha vydaviectva «Našaj Nivy»
Ministerstva infarmacyi abnaviła svoj śpis «ekstremisckich materyjałaŭ». Rašeńnie pryniaŭ sud Zavodskaha rajona Minska.
Uniesiena ŭ śpis kniha Piatra Rudkoŭskaha «Paŭstańnie Biełarusi», vydadzienaja ŭ Vilni ŭ 2007 hodzie ŭ ramkach sieryi «Kniharnia «Naša Niva», što vydavalisia ŭ 2007‑2009 hadach.
U knizie raskazvałasia pra padziei Płoščy-2006, a taksama staviłasia pytańnie, ci mahčymy dyjałoh pamiž uładaj i demakratyčnaj apazicyjaj.
U 2007 hodzie nami była zasnavana sieryja «Kniharnia «Naša Niva», u ramkach jakoj było vydadziena paru dziasiatkaŭ knih na roznyja temy, u tym liku vyjšaŭ zbornik apaviadańniaŭ Śviatłany Kurs «Šlach drobnaj svołačy».
Taksama ŭ ekstremiscki śpis Mininfarmacyi trapili kniha Paŭła Sieviarynca «Pakaleńnie Maładoha Frontu. Historyja moładzi, narodžanaj u 1970 — 1985 hh», što vyjšła ŭ 2004 hodzie, «Bykaŭ na Svabodzie», vydadzienaja Radyjo Svabodaj u 2004 hodzie, a taksama nastupnyja knihi: «Nienasille i Biełaruś» (Varšava, 1999), «Košt svabody, ci Spaviadalnaść apazicyjnaha palityka» Siarhieja Skrabca 2019 hoda, a taksama navučalny dapamožnik palitołaha, vykładčyka EHU Uładzimira Roŭdy «Palityčnaja sistema Respubliki Biełaruś».
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek2
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
Zaraz usio možna pračytać u Internet
Ale ž durni łukašysty dy ichni pachan-złodziej Valet praklaty zastalisia ú byłym sssr-bssr