Dva novyja dla Biełarusi vidy hryboŭ vyjavili navukoŭcy ŭ Breście. Viasiołka Adryjana i baravik załacisty da hetaha momantu tolki zredku sustrakalisia ŭ našych lasach, u adzinkavych ekzemplarach.
Sioleta viasiołka ŭ vialikaj kolkaści pačała raści ŭ abłasnym centry prosta na haradskich hazonach. Varta adznačyć, hryb ličycca redkim i ŭ susiednich krainach (Polščy i Łatvii) zaniesieny ŭ Čyrvonuju knihu, raskazali na STB.
Niezvyčajny fienomien adznačajecca i pa baraviku załacistym, niadaŭniamu «pryšelcu» ŭ paleskuju pryrodu. Apošni raz jaho sustrakali kala 10 hadoŭ tamu. Źjaŭleńnie hryba ŭ haradskim kvartale — pieršy vypadak u historyi. Takija anamalii navukoŭcy tłumačać źmianieńniem klimatu i staranna vyvučajuć.
«U vyniku ciepłavoj chvali i adnačasova pieryjadyčnych liŭnievych apadkaŭ źjavilisia ŭ našaj haradskoj ŭžo pryrodzie adnosna novyja vidy hryboŭ dla krainy ŭ cełym. Baravik załacisty raście ŭ našym paraŭnalna nievialikim teraryumie i adrazu ŭ vialikaj kolkaści. Heta jadomy hryb, cikavy, jon ujaŭlaje cikavaść dla hrybnikoŭ», — raskazaŭ Viktar Dziamiančyk, zahadčyk łabaratoryi aptymizacyi ekasistem Paleskaha ahrarna-ekałahičnaha instytuta NAN Biełarusi.
Akramia taho, u Breście adznačajuć źjaŭleńnie i ŭžo viadomych hryboŭ, ale ŭ anamalna vialikich kolkaściach: trutavik łuskavaty i sarna-žoŭty. Apošni ź ich adnosicca da jadomych.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia33
Kamientary