Prarasijskija aktyvisty apošnim časam papadajuć u niałasku. Niadaŭna ekstremisckim pryznali telehram-kanał «Za Sojuznoje hosudarstvo Biełarusi i Rośsii», jaki vioŭ Siarhiej Šyptenka, były karespandent Regnum. U mai spyniŭ svaju dziejnaść telehram-kanał «Zachodnieruskaja Atłantyda».
Hałoŭny redaktar Reform.news Fiodar Paŭlučenka ŭ intervju «Radyjo Svaboda» razvažaje: toje, što hrošy na dziejnaść hetych aktyvistaŭ pastupajuć z Kramla, nie moža padabacca niekatorym siłavikam z atačeńnia Łukašenki. «Im nie padabajecca, što na hetaj palanie rasijska-biełaruskich adnosinaŭ sprabujuć hulać inšyja asoby, akramia Łukašenki», — kaža jon.
«Hetyja prapahandysty atrymlivajuć hrošy ad Maskvy, tamu adčuvajuć peŭnuju niezaležnaść ad biełaruskaha režymu. Adnak luby alternatyŭny, niezaležny ad uładaŭ, padychod budzie karacca, asabliva napiaredadni vybarčaj kampanii», — ličyć Paŭlučenka.
Na dumku redaktara Reform.news, pierad nastupnymi vybarami «začyščać buduć usich, kamu nie dazvolena vykazvacca».
«Umoŭna kažučy, pavinny zastacca 5 «palitołahaŭ», jakija buduć havaryć pra palityku. Adroźnieńnie hetaj kampanii ad inšych u tym, što hałoŭnym refrenam paŭtarajecca dumka, što treba paciarpieć Łukašenku jašče 5 hadoŭ. Heta kažuć i sam Łukašenka, i jahonyja čynoŭniki, i prapahandysty.
Tut i vidavočna fiktyŭnaja dyskusija pra toje, što, moža, jon i nie pojdzie na vybary. I jahonaje atačeńnie nibyta ŭhavorvaje: «Davajcie pierakanajem jaho jašče na adzin termin». Vidavočna, heta razumieńnie taho faktu, što ludzi vielmi stamilisia ad jaho».
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma33
Kamientary