«Tutejšy parnikovy narodziec naiŭny». Zakryŭsia kanał prarasijskaha palitołaha
Telehram-kanał «Zapadnorusskaja Atłantida» prasoŭvaŭ idei intehracyi i zachodnierusizmu. Ale ciapier jaho prykryli.
«Darahija siabry, kanał «Zapadnorusskaja Atłantida» spyniŭ svajo isnavańnie. Pra pryčyny raspaŭsiudžvacca nie chaču, dumaju, usio i tak jasna»,
— źjaviłasia paviedamleńnie. Što heta za pryčyny, nie ŭdakładniajecca.
Kanał byŭ stvorany ŭ 2020-m. Ličycca, što vioŭ jaho prarasijski palitołah Usievaład Šymaŭ, jaki vystupaje za intehracyju z Rasijaj i nastrojeny suprać Jeŭropy i ZŠA. Šymaŭ padzialaje idei zachodnierusizmu (zachodnierusisty ličać Biełaruś nie samastojnaj krainaj, a rehijanalnaj častkaj Rasii, a samich biełarusaŭ — adhalinavańniem ruskaha etnasu).
«Tutejšy parnikovy narodziec naiŭny, infantylny i napałochany, što 2020 hod prademanstravaŭ va ŭsioj krasie», — pisaŭ aŭtar kanała.
«Takija «majontki», ahrasiadziby i inš. — heta zusim nie niavinnyja turystyčnyja abjekty, a instrumienty toj samaj miakkaj siły. I raz jany pravodziać napaleonaŭskija viečary i šlachieckija bali, to, dumaju, całkam zrazumieła, čyja heta miakkaja siła i na što jana pracuje», — bačyŭ jon «ruku Zachadu» ŭ niekatorych zabaŭlalnych prahramach.
Šymaŭ rehularna repościŭ paviedamleńni Ruskaha doma ŭ Minsku, adyjoznaha rasijskaha historyka Alaksandra Dziukava.
Cikava, što jaho zakryćciu radujucca ŭ tym liku niekatoryja prychilniki režymu.
«Jakaja cudoŭnaja dobraja ranica!» — napisała režysiorka ANT Natalla Ždanovič.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary