«Navošta? My ž darosłyja ludzi». Pucin nie pajedzie ŭ Braziliju na samit G20
Uładzimir Pucin padčas sustrečy z kiraŭnikami ŚMI krain BRIKS zajaviŭ, što jon nie pajedzie sioleta na samit G20 u Brazilii. Takoje rašeńnie jon patłumačyŭ tym, što, maŭlaŭ, nie choča «zryvać» pracu forumu.
Adkazvajučy na pytańnie pra mahčymaść pajezdki ŭ Braziliju na fonie ordera Mižnarodnaha kryminalnaha suda na jahony aryšt, Pucin skazaŭ, što «my ž razumiejem, što adbyvajecca vakoł Rasii, i ja razumieju».
«Nu što ž, ja śpiecyjalna tudy pryjedu, kab parušyć narmalnuju pracu hetaha forumu? My ž vydatna razumiejem, i ja razumieju, što navat kali vyklučyć hety MKS, razmova budzie tolki pra heta. My faktyčna sarviom pracu «dvaccatki». Navošta? My ž darosłyja ludzi», — skazaŭ Pucin.
Jon paabiacaŭ vyznačyć, chto na vysokim uzroŭni budzie pradstaŭlać Rasiju na samicie G20.
Order na aryšt Pucina i dziciačaha ambudsmiena Maryi Lvovaj-Białovaj MKS vydaŭ u sakaviku 2023 hoda. Padstavaj dla hetaha stała pieramiaščeńnie dziaciej z Ukrainy ŭ Rasiju.
Tym nie mienš, sioleta ŭ vieraśni Pucin naviedaŭ Manholiju — krainu, jakaja ratyfikavała Rymski statut MKS. Pierad vizitam jon atrymaŭ zapeŭnivańni, što jaho nie aryštujuć, i tak sapraŭdy stałasia. U Manholii tłumačyli heta svajoj vialikaj zaležnaściu ad Rasii i Kitaja, pamiž jakimi kraina zacisnutaja.
Pucin jeździŭ u Manholiju da šamanaŭ pytacca dazvołu na jadziernuju zbroju — Der Spiegel
«My znachodzimsia ŭ enierhietyčnaj zaležnaści». Manholija rastłumačyła, čamu nie aryštavała Pucina
U stalicy Manholii prachodziać pratesty z-za vizitu Pucina
Pucina ŭ Manholii sustreli čyrvonaj darožkaj
Pucin upieršyniu jedzie ŭ krainu, jakaja źjaŭlajecca ŭdzielnicaj Rymskaha statuta i farmalna pavinna jaho aryštavać
Kamientary