«My znachodzimsia ŭ enierhietyčnaj zaležnaści». Manholija rastłumačyła, čamu nie aryštavała Pucina
Pradstaŭnik urada Manholii zajaviŭ, što kraina zaŭsiody trymałasia niejtralitetu.
U manholskim uradzie rastłumačyli, čamu nie stali aryštoŭvać Uładzimira Pucina pa ordery Mižnarodnaha kryminalnaha suda.
Pradstaŭnik urada Manholii ŭ zajavie dla Politico patłumačyŭ, što kraina znachodzicca ŭ peŭnaj enierhietyčnaj zaležnaści.
«Manholija impartuje 95% svaich naftapraduktaŭ i bolš za 20% elektraenierhii ad našych bližejšych susiedziaŭ. Hetyja pastaŭki majuć vyrašalnaje značeńnie dla zabieśpiačeńnia našaha isnavańnia i isnavańnia našaha naroda», — adznačyli va ŭradzie Manholii.
Pradstaŭnik manholskich uładaŭ taksama adznačyŭ, što kraina tradycyjna prytrymlivajecca niejtralitetu.
«Manholija zaŭsiody prytrymlivałasia palityki niejtralitetu va ŭsich svaich dypłamatyčnych adnosinach, pra što śviedčać našyja aficyjnyja zajavy na siońniašni dzień», — havorycca ŭ zajavie.
Hieahrafična Manholija zacisnutaja pamiž Kitajem i Rasijaj, tamu vymušanaja bałansavać pamiž susiedziami, nie adšturchoŭvajučy ich.
Pry hetym Manholija ratyfikavała Rymski statut i, zhodna ź jaho pałažeńniami, była abaviazanaja aryštavać Uładzimira Pucina i pieradać jaho sudu ŭ Haazie. Rasijski prezident prybyŭ u krainu, jakaja padpisała Rymski statut, upieršyniu paśla vydačy ordera na jahony aryšt.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana1
Kamientary
Manholija mieła mahčymaści admović Pucinu ŭ vizicie, jak heta zrabiła Paŭdniovaja Afryka. Lubyja pahadnieńni mahli być padpisanyja pradstaŭnikom Pucina pa davieranaści. Zamiest hetaha dziejučyja manholskija ŭłady vyrašyli kinuć vyklik MKS.
Kali admaŭlajeciesia vykanać order na aryšt čamu tady padpisali i ratyfakavali?!
Manholija pavinna vyjści z hetaj damovy albo jaje pavinny vyklučyć .