Prezident Rasii prybyŭ u Manholiju z aficyjnym vizitam.
Heta jaho pieršaja z 2023 hoda pajezdka ŭ jakuju-niebudź krainu, jakaja padpisała Rymski statut i pryznaje jurysdykcyju Mižnarodnaha kryminalnaha suda, jaki vydaŭ ordar na aryšt Pucina pa padazreńni ŭ vajennych złačynstvach padčas uvarvańnia va Ukrainu.
Samalot Pucina pryziamliŭsia ŭ stalicy Manholii Ułan-Batary ŭ paniadziełak uviečary. Tam jaho sustreła hanarovaja varta, mima jakoj jon prajšoŭ pa čyrvonaj dyvanovaj darožcy, paviedamlaje Bi-bi-si.
Rasijski lidar naviedvaje Manholiju pa zaprašeńni prezidenta krainy Uchnaahijn Churełsucha, jaki zrabiŭ takuju prapanovu padčas sustrečy ŭ Piekinie vosieńniu 2023 hoda.
Nieŭzabavie paśla prybyćcia Pucina va Ułan-Batar aficyjny pradstaŭnik MZS Ukrainy Hieorhij Cichi asudziŭ rašeńnie manholskich uładaŭ nie aryštoŭvać prezidenta Rasii pa ordary MUS.
Raźmieščany ŭ Haazie Sud śćviardžaje, što Pucin niasie adkaznaść za niezakonnuju departacyju dziaciej z Ukrainy ŭ Rasiju paśla pačatku poŭnamaštabnaha ŭvarvańnia.
«Nievykanańnie ŭradam Manholii abaviazkovaha ordara MUS na aryšt Pucina — heta ciažki ŭdar pa Mižnarodnym kryminalnym sudzie i mižnarodnaj sistemie kryminalnaha prava, — skazana ŭ zajavie pradstaŭnika ŭkrainskaha zamiežnapalityčnaha viedamstva, apublikavanaj u jaho telehram-kanale. — Manholija dazvoliła abvinavačanamu złačyncu paźbiehnuć pravasudździa, tym samym padzialiŭšy adkaznaść za jaho vajennyja złačynstvy. My budziem pracavać z partniorami, kab heta mieła nastupstvy dla Ułan-Batara»»
U paniadziełak pres-sakratar Kramla Dźmitryj Piaskoŭ znoŭ zajaviŭ, što ŭ Maskvie nie aścierahajucca aryštu Pucina ŭ Manholii pa ordary MUS. «Z Manholijaj niama takoj prablemy», — skazaŭ jon.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary