Što nie tak ź pirožnym «Karzinačka»? Doktarka raskazała, što kateharyčna nielha jeści ciažarnym
U śpis trapili pradukty, na skład jakich šmat chto nie źviartaje ŭvahi.
Papularnaja biełaruskaja hiniekałahinia Maryja Takunova rastłumačyła padpisčycam u instahramie, čamu dla ciažarnych moža być niebiaśpiečnym papularnaje pirožnaje.
Vyśvietliłasia, što nie kožnaja «Karzinačka» patencyjna niebiaśpiečnaja dla ciažarnych. Ale pierad tym, jak nabyć takoje sałodkaje da čaju, treba ŭvažliva pahladzieć jaho skład. U tym pirožnym, jakoje trapiła ŭ ruki doktarki, u składzie kremu byŭ paznačany syry kuryny białok. Ciažarnym kateharyčna nielha jeści syryja jajki praź niebiaśpieku zarazicca salmanielozam.
Pa toj ža pryčynie treba ŭdakładniać skład «Tyramisu» — bo ŭ kłasičnym recepcie dadajuć syryja jajki. A ad jajek Bieniedykt na čas ciažarnaści varta admovicca całkam. Usie pradukty žyviolnaha pachodžańnia, jakija jeść ciažarnaja, pavinny być termična apracavanyja.
Doktarka-błohierka źviarnuła ŭvahu na niekalki nievidavočnych momantaŭ.
— Pramysłovyja syry čaściej za ŭsio vyrablajucca z pasteryzavanaha małaka, značyć ich možna jeści. Kali kuplajecie chatnija (fiermierskija) syry, udakładniajcie, ź jakoha małaka jany zrobleny — syroha abo pasteryzavanaha. Čytajcie apisańnie na blašankach ź ikroj. Prosta zamarožanuju ikru ciažarnym nielha. Pasteryzavanuju možna.
Jana taksama adznačyła:
— U matul, jakija kormiać hrudziami, takoj zabarony niama. Možna jeści tartar, sušy i zajadać pirožnymi ź białkovym kremam z syrych jajek.
Ale viadoma, u zdarovych miežach.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary