Pamior viadomy kampazitar, charavy dyryžor i piedahoh, zasłužany dziejač mastactvaŭ Respubliki Biełaruś Aleh Jelisiejenkaŭ. Jamu było 66 hadoŭ.
Aleh Jelisiejenkaŭ naradziŭsia 21 vieraśnia 1958 hoda ŭ rasijskim horadzie Spas-Dziemiensku. Ale vyras u Maładziečnie, kudy jahonaja siamja pierajechała nieŭzabavie paśla naradžeńnia syna.
Baćka kampazitara byŭ adnym ź pieršych vykładčykaŭ Maładziečanskaha muzyčnaha vučylišča, jaho skončyŭ i sam Aleh u 1973 hodzie pa śpiecyjalnaści «Teoryja muzyki».
Paśla Aleh Jelisiejenkaŭ pracavaŭ dacentam kafiedry mastactva estrady Biełaruskaha dziaržaŭnaha ŭniviersiteta kultury i mastactvaŭ, kiravaŭ studyjaj «Hran-pry» Dziaržaŭnaha kancertnaha arkiestra. Byŭ členam Biełaruskaha sajuza kampazitaraŭ.
Jelisiejenkaŭ napisaŭ muzyku da mnohich papularnych u Biełarusi estradnych piesień, jakija vykonvali Andrej Chlastoŭ, Iryna Darafiejeva, Alesia, Alaksandr Saładucha.
Adyhraŭ vialikuju rolu ŭ stanaŭleńni maładych vykanaŭcaŭ Taćciany Putyrskaj, Valeryja Dzidziuli, Dźmitryja Kałduna, Piatra Jałfimava. Taksama siarod jaho vychavancaŭ byli Viera Karetnikava, Słava Nahorny i hrupa «Vanilnaje nieba».
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary