Va Ukrainie za padrychtoŭku ŭdaru pa vajskovym aeradromie asudzili hramadzianku, zavierbavanuju rasijanami ŭ Biełarusi
U vyniku rasijskaha abstrełu vajskovaha aeradromu ŭ Ivana-Frankoŭsku ŭ 2022 hodzie zahareŭsia skład z palivam, zahinuŭ adzin čałaviek, atrymali ranieńni try vajskoŭcy i dźvie cyvilnyja supracoŭnicy aeradroma.
Ivana-Frankoŭski haradski sud asudziŭ na 13 hadoŭ źniavoleńnia z kanfiskacyjaj majomaści troch hramadzian Ukrainy, jakija dapamahali rasijskim śpiecsłužbam rychtavać rakietny ŭdar pa vajskovym aeradromie Ivana-Frankoŭska 24 lutaha 2022 hoda, piša Radyjo Svaboda.
Siarod asudžanych — ukrainka, jakuju, pavodle vyraku suda, rasijanie zavierbavali jašče ŭ 2013 hodzie na terytoryi Biełarusi. Jašče adnaho asudžanaha zavierbavali ŭ 2021 hodzie ŭ horadzie Nica (Francyja) u Rasijskaj pravasłaŭnaj carkvie, a treciaha — u 2021 hodzie na terytoryi Ukrainy.
U paviedamleńni suda adznačajecca, što hetyja hramadzianie pryjechali na terytoryju zachodniaha rehijona Ukrainy ŭ kancy 2021-ha — pačatku 2022 hoda i pačali nazirać za vajskovym aeradromam i orhanami dziaržaŭnaj ułady. Dla karektavańnia rakietnych udaraŭ jany vykarystoŭvali drony, a taksama raźmiaščali tak zvanyja «majački» kala važnych abjektaŭ.
Asudžanyja płanavali, što paśla rakietnaha ŭdaru pa terytoryi aeradromu zmohuć nielehalna vyjechać z Ukrainy ŭ Jeŭropu. Ale ich zatrymali pravaachoŭnyja orhany pry dapamozie «pilnych žycharoŭ Ivana-Frankoŭskaj vobłaści».
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary