Dzie znachodzicca samaja darahaja handlovaja vulica ŭ śviecie
Mižnarodnaja kansałtynhavaja kampanija Cushman & Wakefield apublikavała svoj śpis handlovych vulic płaniety z najbolš vysokaj arendnaj płataj. Usiaho ŭ śpisie vulic z elitnym handlem 138 haradoŭ, pišuć «Mocnyja naviny».
Sioleta pieramožcaj stała vulica Via Mantenapaleone ŭ Miłanie. Heta pieršy vypadak za 34 hady, kali jeŭrapiejski horad uznačaliŭ śpis. Joj sastupiła miesca Piataja avieniu ŭ Ńju-Jorku.
Pavodle danych Financial Times, za apošni hod na Via Montenapoleone adkrylisia novyja kramy Chanel i Gucci, a kampanija Kering, jakaja vałodaje brendami Gucci i Saint Laurent, vydatkavała 1,4 miljarda dołaraŭ na nabyćcio adnaho z najbujniejšych budynkaŭ na vulicy.
U top-10 samych darahich handlovych vulic śvietu pa viersii Cushman & Wakefield uvajšli:
Via Mantenapaleone (Miłan, Italija) — 20 tysiač jeŭra za kvadratny mietr u hod;
- Piataja avieniu (Ńju-Jork, ZŠA) — 19,5 tysiačy jeŭra;
- Ńju-Bond-stryt (Łondan, Vialikabrytanija) — 17,2 tysiačy jeŭra;
- Čymsačoŭ (Hankonh, Kitaj) — 15,7 tysiačy jeŭra;
- Jelisiejskija pali (Paryž, Francyja) — 12,5 tysiačy jeŭra;
- Hindza (Tokia, Japonija) — 11,6 tysiačy jeŭra;
- Banchofštrase (Ciurych, Šviejcaryja) — 9,6 tysiačy jeŭra;
- Pit-stryt Moł (Sidnej, Aŭstralija) — 7,8 tysiačy jeŭra;
- Miendan (Sieuł, Paŭdniovaja Kareja) — 6,7 tysiačy jeŭra;
- Kolmarkt (Viena, Aŭstryja) — 5,4 tysiačy jeŭra.
Siarod susiedziaŭ Biełarusi samaja darahaja vulica mieścicca ŭ Varšavie i zajmaje 47-je miesca ŭ Jeŭropie — heta vulica Novy Śviat, dzie hadavaja arenda kvadratnaha mietra handlovaj płoščy abydziecca bolš čym u tysiaču jeŭra.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary