Rasijski prezident Uładzimir Pucin daručyŭ naładzić sieryjnuju vytvorčaść novaj balistyčnaj rakietnaj sistemy siaredniaj dalokaści «Arešnik». Pra heta jon zajaviŭ na sustrečy z kiraŭnictvam rasijskaha ministerstva abarony i pradstaŭnikami abaronna-pramysłovaha kompleksu.
«Budziem ličyć, što rašeńnie pa vytvorčaści pryniata. Faktyčna jano arhanizavana», — zajaviŭ Pucin.
Pavodle jaho słoŭ, vyprabavańni «Arešnika», padčas jakich učora byŭ naniesieny ŭdar pa ŭkrainskim horadzie Dniapro, prajšli paśpiachova, i ŭ Rasii, maŭlaŭ, jość zapas hetych rakiet. Da taho ž ciapier nibyta testujucca jašče niekalki padobnych rakietnych kompleksaŭ, jakija płanujecca zapuścić u sieryjnuju vytvorčaść.
Jak śćviardžaje Pucin, «Arešnik» nielha ličyć stratehičnym uzbrajeńniem ci mižkantynientalnaj balistyčnaj rakietaj. Adnak ža pry masiravanym vykarystańni jahonaja efiektyŭnaść, maŭlaŭ, supastaŭnaja sa zbrojaj stratehičnaha pryznačeńnia. I paŭtaryŭ učarašnija słovy, što supraćdziejańnia hetaj sistemie ŭ śviecie nibyta nie isnuje i jaje niemahčyma pierachapić.
21 listapada Rasija naniesła masiravany rakietny ŭdar pa terytoryi Ukrainy. U viačernim videazvarocie ŭ toj ža samy dzień Pucin paviedamiŭ, što ŭ ramkach ataki byli praviedzienyja vyprabavańni «Arešnika». Heta pradstaŭlajecca jak adkaz na ŭdary USU pa Branskaj i Kurskaj abłaściach z vykarystańniem amierykanskich rakiet ATACMS i brytanskich Storm Shadow.
Šolc: Užyvańnie Rasijaj novaj hipierhukavaj rakiety aznačaje, što treba paźbiahać eskałacyi
Udar pa Dniapry, imavierna, byŭ naniesieny sa składu kompleksu «Kiedr»
Rasija moža mieć tolki niekalki takich rakiet, jakuju jana zapuściła pa Dniapry
Pucin zajaviŭ pra ŭdary pa Ukrainie novaj zbrojaj, jakaja «nie pierachoplivajecca»
Balistyčnaja rakieta, zapuščanaja siońnia Rasijaj pa Ukrainie, była nie takoj, jak zrazu padavałasia
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon13
Kamientary