Balistyčnaja rakieta, zapuščanaja siońnia Rasijaj pa Ukrainie, była nie takoj, jak zrazu padavałasia
Źjavilisia niekatoryja dadatkovyja vyniki analizu rakiety, zapuščanaj siońnia Rasijaj pa ŭkrainskim horadzie Dniapro. Pieršapačatkova ŭ Kijevie jaje akreślili jak mižkantynientalnuju balistyčnuju rakietu, ale na Zachadzie hetuju acenku nie paćviardžajuć, piša Bi-bi-si sa spasyłkaj na krynicu ŭ administracyi ZŠA.
Krynica paviedamiła Bi-bi-si nastupnaje:
- Rasija zapuściła pa Ukrainie ekśpierymientalnuju balistyčnuju rakietu siaredniaha radyusu dziejańnia.
- U ZŠA surjozna staviacca da ŭsich pahroz Ukrainie, ale nieabchodna ŭličvać, što ŭ Rasii, vierahodna, jość tolki «žmienia hetych ekśpierymientalnych rakiet».
- Ukraina vytrymała nieźličonyja rasijskija ŭdary, u tym liku rakietami z bojehałoŭkami značna bolšaha pamieru.
- Rasija pasprabuje vykarystać hetuju novuju mahčymaść dla zapałochvańnia Ukrainy i jaje prychilnikaŭ i pryciahnieńnia da siabie ŭvahi ŭ infarmacyjnaj prastory, ale heta nie źmienić chod hulni.
Asobna krynica ŭ administracyi zaśviedčyła, što ZŠA pastaŭlajuć Ukrainie ŭ pryjarytetnym paradku sotni rakiet Patriot i AMRAAM, i hetyja pastaŭki praciahnucca.
U toj ža čas prezident Rasii Uładzimir Pucin u siońniašnim viačernim zvarocie zajaviŭ, što Rasija atakavała Ukrainu rakietaj siaredniaj dalokaści «Arešnik». Heta nibyta byŭ vyprabavalny pusk hetaj «najnoŭšaj rakiety».
Zacharavaj prosta ŭ časie bryfinhu patelefanavali i skazali nie kamientavać udar balistyčnaj rakietaj
U siecivie źjaviłasia videa, mahčyma, pieršaha ŭ historyi prymianieńnia novych rasijskich balistyčnych mižkantynientalnych rakiet
Rasija ŭpieršyniu vykarystała suprać Ukrainy balistyčnuju rakietu novaha typu. Što heta moža źmianić
Rasija ŭdaryła pa Dniapry balistyčnaj rakietaj novaha typu
Rasija nanosić masiravany rakietny ŭdar pa Ukrainie
Dźmitryj Łukašenka choča pastavić pad kantrol usie mabilnyja telefony11
Kamientary
Etot oriešnik - pieriepilennaja dla zapuska s hrunta brpł bułava.
6 bojevych častiej kak by namiekajut.