U Biełarusi źmienšyłasia kolkaść «złačynstvaŭ ekstremisckaj skiravanaści» — Śledčy kamitet
Namieśnik načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandr Žukaŭ, vystupajučy ŭ prahramie «Po suŝiestvu» na telekanale STB, zajaviŭ, što kolkaść «złačynstvaŭ», jakija ŭ ramkach režymu Łukašenki kvalifikujucca jak «ekstremisckija», u Biełarusi mienšaje.
Pavodle vysokapastaŭlenaha siłavika, u 2024 hodzie było ździejśniena «ŭsiaho» bolš za tysiaču «złačynstvaŭ ekstremisckaj skiravanaści», miž tym jak za apošnija 5 hadoŭ takich było zafiksavana ažno 22,5 tysiačy.
Z hetaha Žukaŭ zrabiŭ vysnovu, što «sistema mier pa supraćdziejańni ekstremizmu vidavočna pracuje». Za hetym eŭfiemizmam chavajucca šmathadovyja brutalnyja represii ŭ režymie «nie da zakonaŭ».
U toj ža čas śviadomaje nasadžeńnie praz represii ŭ hramadstvie atmaśfiery strachu siłavik nazvaŭ «vypracoŭkaj adpaviednaha imunitetu», paraŭnaŭšy zmahańnie z «ekstremizmam» z pandemijaj kavidu. Maŭlaŭ, jak i ŭ vypadku z chvarobaj, u Biełarusi nie stali abjaŭlać ahulnaha karancinu, tak i tut nie stali tatalna błakavać cełyja płatformy, a stali na šlach biaźlitasnaha pakarańnia za reposty, padpiski i łajki zabaronienych resursaŭ.
Praŭda, «prakantralavać usio heta, asabliva ŭličvajučy stvareńnie novych resursaŭ, taksama składana». Tamu siłavik razam ź inšymi ŭdzielnikami prahramy taksama havoryć pra «vychavańnie, raźvićcio patryjatyzmu», nasupierak raniej samim saboj nazvanym ličbam śćviardžajučy, što represii — heta ŭ nas nibyta tolki krajniaja miera.
Stryžak: ułady rychtujuć pravakacyi z udziełam represavanych, skiravanyja na źnižeńnie davieru da «Bajsoła»
Prahnoz Šrajbmana: paśla vybaraŭ represii źmienšacca
Adkul praŭładnyja sacyjołahi ŭziali 80% padtrymki Łukašenki
Resurs «Piśmo.bieł» pryznany «ekstremisckimi materyjałami». Što pahražaje, kali niekali im karystaŭsia?
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała9
Kamientary
Vielmi spadziajusia na toje što nastanie čas i ŭsie hetyja tak zvanyja śledčyja razam z prakurorami i sudziami, razam z karnikami z hubopikaŭ i KDB atrymajuć svaje kryminalnyja spravy za ździejśnienyja imi złačynstvy, u tym liku zv złačynstvy suprać čałaviectva, mižnarodnyja złačynstvy jakija nie majuć terminu daŭniny, a ŭsio achviary režymu buduć reabilitavany. Nichto nikoli im nie daruje i nie prabačyć złačynstvy suprać narodu.