Адзінае аўтастрахаванне паміж Беларуссю і Расіяй запрацуе з новага года
Адзіная сістэма аўтастрахавання запрацуе ў «Саюзнай дзяржаве» з 1 студзеня 2025 года, піша БелТА. Гэтая дата вызначана ў зменах у закон «Аб абавязковым страхаванні грамадзянскай адказнасці (АСАГА) уладальнікаў транспартных сродкаў», прынятых 27 лістапада расійскім Саветам Федэрацыі.
Згодна з дакументам, правам на заключэнне дамовы АСАГА ў рамках гэтай сістэмы страхавання могуць надзяляцца выключна страхавальнікі з месцам пастаяннага знаходжання ў Расіі ці Беларусі. Сам аўтамабіль павінен быць зарэгістраваны на тэрыторыі Расіі ці Беларусі.
Мяркуецца, што адзіная сістэма спросціць жыццё кіроўцам, якія часта перасякаюць мяжу Беларусі і Расіі. Яе сутнасць у тым, што кіроўца, афармляючы поліс АСАГА ў Расіі, зможа ўключыць у яго дадатковае пагадненне, якое дазваляе дзеянню поліса распаўсюджвацца і на тэрыторыю Беларусі. Аналагічны механізм будзе даступны і для беларускіх аўтаўладальнікаў.
Кошт такога пашыранага поліса будзе разлічвацца на падставе тарыфаў, якія дзейнічаюць у краіне, дзе зарэгістраваны аўтамабіль, і ўлічвацца як дадатковая рызыка.
У выпадку ДТЗ кампенсацыя страт будзе вызначацца паводле заканадаўства той краіны, дзе адбылося здарэнне. Напрыклад, калі ДТЗ здарылася ў Беларусі, пакрыццё будзе разлічвацца па беларускіх правілах, а само ўрэгуляванне арганізуецца праз Беларускае бюро па транспартным страхаванні. У сваю чаргу, расійскі страхоўшчык будзе адказваць за кампенсацыю страт у рамках сваёй сістэмы.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары