Cichanoŭskaja: My nie pavinny dazvolić dyktataram pasvaryć biełarusaŭ i litoŭcaŭ
Śviatłana Cichanoŭskaja adkryła biełaruska-litoŭskuju kanfierencyju, jakaja prachodzić u Vilni. Mety mierapryjemstva — spryjać dyjałohu dla jeŭraintehracyi Biełarusi, znajści efiektyŭnyja sposaby baraćby z dezinfarmacyjaj i ŭmacavać biełaruska-litoŭskaje supracoŭnictva.
Padčas pramovy biełaruskaja lidarka akcentavała ŭvahu na važnaści sumiesnaj pracy nad vyrašeńniem prablemaŭ, što isnujuć ciapier u biełaruska-litoŭskich adnosinach, a taksama prapanavała 4 varyjanty ŭmacoŭvańnia hetych stasunkaŭ, paviedamlaje jaje pres-słužba.
«Pieršaje. My nie pavinny dazvolić dyktataram pasvaryć biełarusaŭ i litoŭcaŭ. A mienavita takuju metu jany pierad saboj staviać. Režym Łukašenki nibyta šukaje słabaje miesca, kab razburyć našuju salidarnaść. Na heta nielha paddavacca. My pavinny supraćstajać pravakacyjam razam.
Druhoje. My pavinny palepšyć uzajemarazumieńnie. Davajcie arhanizoŭvać dyskusii ekśpiertaŭ, intelektuałaŭ i kulturnyja padziei. Pierakładać litaraturu, dzialicca historyjami i vychodzić u miedyja, kab budavać masty pamiž našymi narodami.
Treciaje. Davajcie stvarać umovy dla supracoŭnictva i intehracyi. Biełarusy chutka intehrujucca, ale praź vizavyja ci inšyja składanaści, mnohija ciapier pierajazdžajuć u inšyja krainy. Niekatoryja prablemy vyrašajucca. Adnak, treba pryznać, nie zaŭždy staŭleńnie da biełarusaŭ spraviadlivaje. Časta byvajuć admovy pa farmalnych pryčynach ci navat praz radok u bijahrafii».
Pa-čaćviortaje, pa słovach Cichanoŭskaj, varta razam adstojvać jeŭrapiejskuju budučyniu i jeŭrapiejskija kaštoŭnaści i vystupać adzinym hołasam na mižnarodnaj arenie.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary