U šmatdzietnaj siamji z-pad Pružan pasadzili maci, baćku, a ciapier i babu — usich za palityku
Maci palitźniavolenaj Julii Łaptanovič buduć sudzić za intervju «Biełsatu». Taćcianu Vasiljevu zatrymali ŭ Pružanach 27 žniŭnia.
56-hadovuju žančynu abvinavačvajuć pavodle č. 1 art. 361-4 KK (sadziejničańnie ekstremisckaj dziejnaści) za intervju telekanału «Biełsat» u 2021 hodzie. Jaje ŭtrymlivajuć u bresckim SIZA-7, paviedamlaje «Viasna».
Sud nad palitźniavolenaj raspačniecca 16 śniežnia ŭ Bresckim abłasnym sudzie. Spravu budzie razhladać sudździa Mikałaj Siańko.
Viadoma, što Taćcianu zatrymlivali ŭ studzieni 2024 hoda padčas rejdu KDB za dapamohu palitviaźniam. U lutym Taćcianu asudzili pavodle č. 2 st. 24.15 KoAP za «atrymańnie zamiežnaj biaspłatnaj dapamohi».
Jaje dačku — biblijatekarku Juliju Łaptanovič — utrymlivajuć za kratami bolš za 3 hady. Muž Julii, budaŭnik Ihar Łaptanovič, jakoha taksama asudzili pa palityčnaj spravie, letaś całkam adbyŭ termin pakarańnia i vyjšaŭ na volu. U siamji troje dziaciej.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary