Maleniečkaja studyja znachodzicca na vulicy Haładzieda. Jaje pamier — usiaho tolki 14,4 «kvadrata», ale pry hetym jość usio nieabchodnaje dla žyćcia: haścioŭnia z raskładnoj kanapaj, zona kuchni, sumieščany sanvuzieł i akuratnaja łodžyja, jakuju možna vykarystoŭvać pad zonu adpačynku ci navat nievialiki kabiniet, piša Onliner.
Studyja chavajecca ŭ dzieviacipaviarchoviku 1975 hoda pabudovy. U joj nie tak daŭno zrabili ramont u minimalistyčnym styli: pafarbavali ścieny i stoli ŭ bieły, pakłali łaminat i plitku, dadali sučasnuju kuchonnuju meblu… Pra kanstruktyŭ taksama nie zabylisia — naprykład, zamianili ŭsie kamunikacyi (navat ciopłuju elektryčnuju padłohu na bałkonie praduhledzieli).
Mabyć, žyć tut adnamu było b całkam kamfortna. Ale jość adzin niuans: aficyjna pamiaškańnie nie adnosicca da žyłoha fondu. Choć, jak śćviardžaje ŭłaśnik, kvateru možna vyvieści z «kamiercyjnaha» statusu (jon navat hatovy ŭ hetym dapamahčy).
Studyja zdajecca ŭ arendu za $250 pa kursie. Pra toje, ci pieradajecca pa damovie kupli-prodažu novamu haspadaru jašče i kvatarant, nie paviedamlajecca.
Nu a ciapier samaje cikavaje — košt. Abzavieścisia takoj nieruchomaściu možna za $31 900 pa kursie. Atrymlivajecca $2215 za kvadratny mietr.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary