Stała viadoma, kolki aficeraŭ u biełaruskaje vojska sioleta pryzvali z zapasu
Vajenkam Hrodzienskaj vobłaści Viačasłaŭ Ramanienka raskryŭ infarmacyju ab kolkaści aficeraŭ zapasu, jakich u hetym hodzie mieli pryzvać na słužbu, zaŭvažyŭ «Biełaruski Hajun».
Pa słovach vajenkama Hrodzienskaj vobłaści, na 2024 hod byŭ vyznačany płan pryzyvu 1000 aficeraŭ zapasu. Z padnačalenaj jamu Hrodzienskaj vobłaści było pryzvana 138 čałaviek.
Takim čynam, kanstatuje «Biełaruski Hajun», u 2024 hodzie ŭ biełaruskaje vojska płanavali pryzvać stolki aficeraŭ zapasu, kolki dahetul pryzyvałasia sumarna za pieryjad z 2016 pa 2023 hady. Ci ŭdałosia vajenkamatam sioleta vykanać hety ambicyjny płan — nie paviedamlałasia.
Aficyjna pryčynami pryzyvu aficeraŭ zapasu nazyvajecca dźvie:
1) pavyšeńnie ŭzroŭniu ŭkamplektavanaści pieršasnych pasad aficerskaha składu (zakryć «kadravyja dzirki»);
2) zabieśpiačeńnie padrychtoŭki mabilizacyjnaha reziervu (dać mahčymaść drenna padrychtavanym vypusknikam vajennych kafiedraŭ atrymać praktyčny vopyt).
Da pieraličanych pryčyn, na dumku «Biełaruskaha Hajuna», možna dadać jašče adnu — stvareńnie kadravaha reziervu dla padraździaleńniaŭ, Paŭdniovaha apieratyŭnaha kamandavańnia, jakoje ciapier farmirujecca.
Ukaz Łukašenki №179 «Ab pryzyvie aficeraŭ zapasu na vajskovuju słužbu» byŭ apublikavany ŭ kancy krasavika 2024 hoda. Dakumientam praduhledžvaŭsia pryzyŭ u 2024 hodzie na słužbu va US RB i pamiežnuju słužbu aficeraŭ zapasu, jakija skončyli vajskovuju kafiedru i nie prajšli terminovuju słužbu.
Asablivaściu dakumienta stała toje, što kolkaść pryzvanych aficeraŭ była zasakrečanaja. Heta druhi padobny vypadak (pieršy byŭ u 1994 hodzie) u historyi suvierennaj Biełarusi.
Ciapier čytajuć
Mielnikava krała hramadskija hrošy pa $2500, pieravodziačy na ŭłasny rachunak21
Mielnikava krała hramadskija hrošy pa $2500, pieravodziačy na ŭłasny rachunak
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2222
Kamientary