«Vyspa praklatych» — psichijatryčny detektyŭny trymcieńnik ź Leanarda Dy Kapryo, Maksam fon Siudavym i Bienam Kinhśli.
Vyspa praklatych (Shutter Island)
ZŠA, 2009, kalarovy, 138 chv.
Režysior: Marcin Skarseze
Roli vykonvajuć: Leanarda Dy Kapryo, Mark Rufała, Bien Kinhśli, Mišel Uiljams, Maks fon Siudaŭ, Emili Morcimier
Žanr: Psychijatryčny detektyŭny trymcieńnik pavodle ramanu Denisa Lehajna
Adznaka: 5 (z 10)
1954 hod. Tedzi Deniełs rasśleduje ŭcioki zabojcy-varjatki, jakaja zahadkava źnikła ź psichijatryčnaj lakarni. Lakarnia staić na adasoblenaj vyśpie, pabudavanaja jak krepaść, i schavacca niama kudy. Ale ŭ hieroja jość jašče tajemnyja mety, roŭna, jak svaje mety jość i ŭ lekaraŭ…
Šera-śvincovaje nieba, hruvastkaja zamknionaja prastora, mur z čyrvonaje cehły, naviaźlivyja halucynacyi, azdoblenyja dyzajnam Dante Fereci. Pakutlivyja kompleksy, forma achoŭnikaŭ, što ryfmujecca z esesaŭskaju, sny pra Dachau. Popieł i śnieh.
Uciokłyja nacysty (padstupna-padkałodny duet Biena Kinhśli i Maksa fon Siudava), zabaronienyja ekśpierymienty, antykamunizm. Asłupianiełaść i lichamanka Leanarda Dy Kapryo, šalenstva.
Usie składniki hustoŭnaj žanravaj paranoi, kali b nie adno ale.
Režysior Marcin Skarseze.
U jaho zanadta pretenzij — i čamuści jany niaŭpeŭnienyja. Hučyć ulubionaja režysiorskaja tema pra hvałt, supraciŭ, miežy čałaviečnaści. Ale dla aŭtarskaha kino brakuje impetu, a dla žanravaj stužki — ramieśnickaj ścipłaści.
U lubym vypadku asobnym pacyjentam harantavany «vynas mozhu».
Na sajcie imdb.com karcina ŭvachodzić u śpis 250 najlepšych stužak.
Ciapier čytajuć
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča15
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary