Zamiežniki zmohuć pryjazdžać u Biełaruś pa elektronnych vizach
U Biełarusi praz try miesiacy zamiežnikam pačnuć vydavać dla ŭjezdu ŭ krainu elektronnyja vizy. Heta praduhledžana pastanovaj urada ad 16 śniežnia № 953. Jana apublikavana siońnia na Nacyjanalnym pravavym partale.
Dakumient unosić vialikuju kolkaść źmianieńniaŭ u vizavyja praviły Respubliki Biełaruś. Siarod ich i ŭviadzieńnie elektronnaj vizy, jakaja ŭjaŭlaje saboj zapis ab dazvolenym zamiežniku ŭjeździe, jaki zachoŭvajecca ŭ aŭtamatyzavanaj sistemie «Konsuł».
Vydača elektronnaj vizy budzie pasłuhaj adzinaha partała elektronnych pasłuh. Jaje zmohuć atrymać uładalniki zvyčajnych pašpartoŭ 67 dziaržaŭ, u tym liku ZŠA, Kanady, Hiermanii, Vialikabrytanii, Polščy, Aŭstralii.
Dla hetaha im treba padać u asabistym kabiniecie partała zajaŭku, a taksama nie znachodzicca ŭ śpisie asob, ujezd jakich zabaronieny abo niepažadany, i nie mieć parušeńniaŭ pa terminach časovaha znachodžańnia ŭ krainie pry papiarednich naviedvańniach.
Elektronnyja vizy źjaŭlajucca adnarazovymi i indyvidualnymi i vydajucca na termin nie bolš za 30 sutak biez uniasieńnia ŭ ich infarmacyi pra spadarožnikaŭ.
Praduhledžany nastupnyja katehoryi elektronnych viz: dziełavaja pajezdka; udzieł u spartyŭnych, kulturnych, navukovych, adukacyjnych mierapryjemstvach i stažyroŭkach; pryvatnyja spravy; Turyzm.
Razhlad vizavaj zajaŭki pravodzicca na praciahu siami kalandarnych dzion. Vydača elektronnych viz u terminovym paradku nie ažyćciaŭlajecca.
Apłata pasłuhi pa vydačy elektronnaj vizy pavinna ździajśniacca bieznajaŭnym šlacham praz bankaŭskija karty mižnarodnych płaciežnych sistem.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7979
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie79
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
1. Biurakratyzm "sovmiestno śledujuŝije lica" ci vierna pierakładać jak "sumiesna nastupnyja asoby"? Mabyć, "asoby, jakija sumiesna nakirujucca"?
2. Biurakratyzm "sročnyj poriadok" - "terminovy paradak", abo lepš "śpiešny paradak", "nieadkładny paradak"?