Zialenski patłumačyŭ, čamu Ukraina bje pa enierhietyčnych celach u Rasii
«Jon [Pucin] pradaje hetuju enierhietyku. Dyk heta enierhietyka ci heta vajennaja cel?»
Prezident Ukrainy Uładzimir Zialenski zajaviŭ, što enierhietyka krainy-ahresara źjaŭlajecca dla Ukrainy zakonnaj cellu, adnak pakul jany nie majuć mahčymaści adkazvać na ataki Rasii z takoj ža siłaj, piša «Ukrainskaja praŭda».
«My nie pavinny vybirać, bjom my pa vajennaj celi ci pa enierhietycy. Jon [Pucin] pradaje hetuju enierhietyku. Jon pradaje naftu. Dyk heta enierhietyka ci heta vajennaja cel? Ščyra kažučy, toje ž samaje. Jon pradaje naftu, biare hrošy, układvaje ŭ zbroju. Hetaj zbrojaj zabivaje ŭkraincaŭ.
Što pavinien rabić ukrainiec? Dva šlachi. My stvarajem zbroju i bjom pa ich zbroi. Abo my bjom pa krynicy naroščvańnia i naradžeńnia ich hrošaj. A krynica — heta ŭ ich enierhietyka. Voś što adbyvajecca. Tut nielha paraŭnoŭvać, ci vajennaja heta cel. Usio heta dla nas — zakonnyja, numar adzin, vajennyja, numar dva, celi. I chto da nas moh takoje zrabić z ruskimi? Nichto», — skazaŭ Zielenski padčas kamunikacyi z vykładčykami i studentami Kijeŭskaha avijacyjnaha instytuta.
Zielenski adznačyŭ, što rasijanie bjuć pa ŭkrainskaj enierhietycy z metaj złamać hramadstva.
«Heta zadača dla hibrydnaj vajny — padzialić hramadstva, kab asłabić jaho i złamać. Złamaješ cyvilnych, złamajucca vajennyja, prynamsi ryzyka vysokaja. Voś što robić vorah. Što robić Ukraina? Na enierhietyčnyja ataki bje pa ich enierhietycy. Jany nie mohuć žyć sa śviatłom, u kajfie, u spakoi, kali my mierźniem i, ščyra kažučy, tolki hublajem. Jany atrymlivajuć adkaz. Ci nanosim my lusterkavy adkaz? Nie, u nas nie chapaje takoha resursu, jaki jość u ich», — skazaŭ prezident Ukrainy.
Jon adznačyŭ, što technałohii i vytvorčaść, jakuju nazapasiła Rasija — heta, u pryvatnaści, zdabytki ŭsiaho Savieckaha Sajuza. Taksama zhadaŭ pra admovu Ukrainy ad jadziernaj zbroi.
«U ich viedy, technałohii i pradpryjemstvy, jakija nazapašvalisia — heta doŭhi šlach usiaho SSSR, i Ukrainy, i Ukrainy roznaj: Ukraina była i patryjatyčnaja, i było šmat zdradnikaŭ. Tak sama było i z technałohijami, jakija pieradavalisia. Nie tolki samaloty raśpilvalisia, pieradavalisia technałohii, zbroja i hetak dalej. Addavalisia «Kalčuhi», pradavałasia ŭsio, addavałasia jadziernaja zbroja. My što, padtrymlivajem jadziernuju vajnu? Nie. Ale jakaja ź jadziernych dziaržaŭ sučasnaści maje akupacyju? Nul. Voś i ŭsio», — skazaŭ Zialenski.
«Ci pavinny my lusterkava adkazvać? Pavinny. Ci majem my taki masiŭ, jak u ruskich? Z-za taho, što ja skazaŭ — u ich usio jość z savieckich časoŭ — nie, u nas takoha niama, ale my raściom. I ŭ hieamietryčnaj prahresii», — dadaŭ jon.
Kamientary